Edil Jańbyrshın Úkimetke Mańǵystaý oblysyndaǵy eńbek daýlary týraly saýal joldady
2022 jylǵy 29 maýsym 16:02

Edil Jańbyrshın Úkimetke Mańǵystaý oblysyndaǵy eńbek daýlary týraly saýal joldady

NUR-SULTAN. QazAqparat – QR Májilis depýtaty Edil Jańbyrshın Úkimetbasshysy Álıhan Smaıylovtyń atyna Mańǵystaý oblysyndaǵy eńbekdaýlary týraly saýal joldady, dep habarlaıdy QazAqparat tilshisi.

«Qańtar aıynan beri elimizdiń ár túkpirinde narazylyq aktsııalary áli toqtaǵan joq jáne keıbir azamattar el astanasyna deıin kelip, óz máselelerin Parlament pen mınıstrlikterdiń aldyna qoıyp júr.

Kóterip júrgen suraqtadyń basym kópshiligi –jergilikti memlekettik organdar men quqyq qorǵaý organdarynyń sheshetin máseleleri.

Mysaly qarjylyq alaıaqtyq, ekologııalyq problemalar, azamattardyń turǵyn úı máselesi, tamaq baǵasynyń kúnnen-kúnge ósýi, aýyz sýmen qamtý, jeke kollektorlardyń bassyzdyǵy, tómengi deńgeıdegi sot sheshimderiniń ádiletsizdigi, tıisti ınfraqurylymnyń joqtyǵy jáne basqalar», -degen depýtat Mańǵystaý oblysynydabeleń alyp turǵan problemaǵa toqtaldy.

«Byltyr Mańǵystaý men Atyraý oblystaryn keshendi damytý úshin arnaıy damý josparlary da jasaqtaldy. Qaraıǵan qarjy ony iske asyrýǵa qaraldy. Myńdaǵan jumys oryndary ashylady dep ákimderde esep berdi. Alaıda, bul josparlardan da nátıje kórmeı otyrmyz. Bolashaqta Atyraý oblysynan 40 myńǵy jýyq adam jumystan bosaıdy dep otyr. Olar qaıda jumysqa turady? Qazirdiń ózinde halyq kóshede jumys surap shýlap júr. Óńirlerde azamattardyń kótergen máseleleriniń der kezinde sheshilmeýi, eldegi qoǵamdyq-saıası turaqsyzdyqqa ákeletini aıtpasa da túsinikti. Keremet prezentatsııalar men ádemi bos sózderdiń ýaqyty ótti»,- degen Edil Jańbyrshın Úkimetke brinshe usynys aıtty.

«Birinshi. Mańǵystaýdaǵy eńbek daýlaryn retteý maqsatynda Úkimet tarapynan qurylǵan komıssııa, bolyp jatqan jaǵdaılardy áli de tolyq zerttep, azamattardyń kóterip otyrǵan suraqtaryn sheshý úshin naqty sheshimder qabyldasyn.

Ekinshi. Menshik túrine qaramastan jer qoınaýynyń baılyǵyn óndirýshi jáne olarǵa qyzmet kórsetetin servıstik kompanııalardyń mamandary men qyzmetkerleriniń eńbek ótili, jumys jaǵdaıy, razrıady jáne basqa da normalarǵa sáıkes jalaqylaryn biryńǵaı tarıftik shkala jasaqtaý múmkindigi qarastyrylsyn.

Úshinshi. Memlekettik organdar men kvazımemlekettik mekemeler konkýrstyq qujattarda jumystardy atqarýǵa jumsalatyn jalaqylardyń deńgeılerin qarastyrý qajet jáne merdiger kompanııalarda eńbek aqylardyń tólený sharttaryn qadaǵalaýǵa alsyn.

Tórtinshi. Jańa jumys oryndaryn ashý úshin barlyq jer qoınaýyn paıdalanýshy jáne iri kompanııalardyń ımporttyq taýarlarynyń tizimin Úkimet tolyq anyqtap, sol taýarlardy ózimizde óndiretin naqty jobalardy iske asyrýdy qolǵa alsyn»,-dedi Májilis depýtaty

Aıta keteıik, Mańǵystaý atom-energetıkalyq kombınatyn damytý strategııasy ázirlenip jatyr.


Uqsas jańalyqtar

Jańalyqtar

Úrdis

MURAǴAT