+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

EAEO-nyń 2025 jylǵa deıingi Strategııasyna qatysty Qazaqstannyń barlyq usynysy eskerildi

2020 jylǵy 23 qyrkúıek 20:31
Bólisińiz:
EAEO-nyń 2025 jylǵa deıingi Strategııasyna qatysty Qazaqstannyń barlyq usynysy eskerildi

MÁSKEÝ. QazAqparat - Qazaqstan Prezıdenti Qasym-Jomart Toqaevtyń Eýrazııa ekonomıkalyq odaǵynyń (EAEO) 2025 jylǵa deıingi damý strategııasynyń jobasyna qatysty aıtqan barlyq eskertpeleri men usynystary talqylanyp, kelisilgen sheshimder qabyldandy. Bul týraly búgin brıfıng barysynda Eýrazııa ekonomıkalyq komıssııasy (EEK) alqa tóraǵasynyń kómekshisi Iıa Malkına málimdedi, dep habarlaıdy «QazAqparat» HAA-nyń menshikti tilshisi.


«Strategııa belsendi túrde pysyqtalyp, komıssııa barlyq taraptardyń pikirine úlken kóńil bóledi. Onyń ishinde Qazaqstan Prezıdenti atap ótken máseleler talqylanyp, olar boıynsha múshe-memleketterdiń kelisilgen sheshimderi ázirlendi», - dedi ol.

«Jalpy alǵanda, qyrkúıek aıynda Komıssııa keńesiniń otyrystarynda 28 tarmaq boıynsha sheshim qabyldandy. Memleket basshylarynyń qaraýyna usynylatyn qorytyndy qujatty ázirleý úshin osy jyldyń 9 qazanynda Eýrazııalyq úkimetaralyq keńeste birqatar ózekti máseleni qaraý josparlanýda», - dedi I. Malkına.

EEK alqa tóraǵasynyń kómekshisi sondaı-aq, EAEO-nyń quqyqtyq portalynda birlestiktiń birqatar jobalary talqylanyp jatqanyn habarlady. «Kez kelgen azamat jáne bıznes ókili óziniń saraptamalyq pikirin qaldyra alady. Osylaısha komıssııaǵa bıznestiń, tutynýshynyń jáne memlekettiń kóńilinen shyǵatyn sapaly qujat jasaýǵa kómektesedi», - dep atap ótti Malkına.

Atap aıtqanda, RF aýmaǵyna astyq jınaıtyn kombaındardy ýaqytsha kirgizýdi kúntizbelik 10 kúnge deıin qysqartý usynysy qamtylǵan sheshim jobasy 4 qazanǵa deıin talqylanady. Sondaı-aq 8 qazanǵa deıin memlekettik satyp alý maqsattary úshin Eýrazııalyq ónerkásiptik ónimniń tizilimin qalyptastyrý jáne júrgizý tártibi talqylaýda bolady. Al 16 qazanǵa deıin energııa tutynatyn qurylǵylardyń energetıkalyq tıimdiligindegi talaptar týraly tehnıkalyq reglamenttiń kúshine ený kúnin bir jylǵa aýystyrý týraly sheshim jobasynyń jarııa talqylaýy ótedi.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT