+7 (701) 759 90 19
USD 425.48 EUR 494.2
RUB 6.14 CNY 66.67
Jańalyqtar

EAEO, KORONAVIRÝS JÁNE KENESARY HANNYŃ SÚIEGІ. NAZARBAEV PEN PÝTIN KELІSSÓZDERІNІŃ QORYTYNDYSY

2021 jylǵy 2 shilde 13:00
Bólisińiz:
EAEO, KORONAVIRÝS JÁNE KENESARY HANNYŃ SÚIEGІ. NAZARBAEV PEN PÝTIN KELІSSÓZDERІNІŃ QORYTYNDYSY

NUR-SULTAN. QazAqparat - 30 maýsym kúni Nursultan Nazarbaev Reseı Federatsııasynyń Prezıdenti Vladımır Pýtınmen kelissóz júrgizdi. Birneshe saǵatqa sozylǵan kelissóz aıtarlyqtaı jemisti boldy. Buǵan deıin de atap ótilgenindeı, taraptar EAEO aıasyndaǵy ıntegratsııalyq protsesterdiń damý perspektıvasyn talqylap, óńirlik qaýipsizdikti qamtamasyz etý boıynsha ózekti máselelerge qatysty pikir almasty.

Atap aıtqanda, sońǵy oqıǵalar konteksinde Aýǵanstannyń Ortalyq Azııa memleketterimen shekarasyndaǵy shıelenisti jaǵdaılar talqylandy. Qazaqstan Respýblıkasy Qaýipsizdik Keńesiniń Tóraǵasy osy óńirdegi shıelenistiń arta túsýine baılanysty óz alańdaýshylyǵyn bildirdi.

Elbasynyń byltyr koronavırýs ınfektsııasynan qalaı aıyqqany týraly sózi de BAQ-tyń erekshe qyzyǵýshylyǵyn týdyrdy. Este bolsa, týra sol kezde qarapaıym azamattar arasynda da, osy soqqyny ózderine birinshi qabyldaǵan medıtsına qyzmetkerleri arasynda da koronavırýs juqtyrý sharyqtaý shegine jetken edi. Nursultan Nazarbaev jańa qaterge qarsy kúreste qazaqstandyq medıtsına qyzmetkerleriniń eren erligin birneshe ret basa aıtqan. Elbasy adamzat balasy bul vırýsty tek álemdik ǵylymı-medıtsınalyq qoǵamdastyqpen tyǵyz kooperatsııa arqyly jáne árkimniń óz densaýlyǵyn saqtaýǵa jaýapty qadam jasaı otyryp qana jeńýge bolatynyn árqashan aıtyp keledi.

Eske sala keteıin, Nursultan Nazarbaevtyń syrqattanǵany týraly aqparat bizdiń eldiń azamattaryn ǵana emes, álemdik qaýymdastyqty da aıaǵynan tik turǵyzdy.

Kóptegen shetel kóshbasshylary óz alańdaýshylyǵyn bildirip, Qazaqstannyń Tuńǵysh Prezıdentiniń tez saýyǵyp ketýin tiledi. Nursultan Nazarbaevtyń jaqyn dosy Vladımır Vladımırovıch Pýtın tipti Tuńǵysh Prezıdentti baqylaıtyn qazaqstandyq mamandarǵa kómek kórsetý úshin reseılik dárigerlerdi jiberdi.

Elbasy koronavırýs ınfektsııasynyń sımptomsyz túrimen aýyrǵan bolatyn. Medıtsına mamandarynyń keńesteri, usynymdary, sondaı-aq Tuńǵysh Prezıdenttiń densaýlyq jaǵdaıyn muqııat baqylaýdyń arqasynda bári jaqsy ótti.

Elbasynyń Reseı Federatsııasyna jumys sapary aıasynda talqylanǵan máseleniń biri Qazaq halqy úshin kıeli sanalatyn Kenesary hannyń súıegin izdestirý jáne ony Qazaqstanǵa qaıtarý taqyryby boldy. Kelissózder barysynda Nursultan Ábishuly Reseı Prezıdentinen osy protseske kómek kórsetýin surady. Elbasy qazaqtyń sońǵy hanynyń súıegi óziniń týǵan jerinde jerlenip, rýhynyń tynysh tabýy qazaq halqy úshin asa mańyzdy másele ekenin aıryqsha atap ótti. Vladımır Vladımırovıch Pýtın Tuńǵysh Prezıdentti Reseı tarapynyń bul máselede jan-jaqty kómek kórsetetinine sendirdi. Pýtınniń sózine qaraǵanda, artefakt tabylady jáne Qazaqstan halqyna qaıtarylady.


Elbasy Keńesshisi – Baspasóz hatshysy A.Úkibaı


Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT