+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

EAEO qarjy naryǵyndaǵy úılestirý sharalaryna arnalǵan zań jobasy maquldandy

2019 jylǵy 13 qarasha 10:12
Bólisińiz:
EAEO qarjy naryǵyndaǵy úılestirý sharalaryna arnalǵan zań jobasy maquldandy

NUR-SULTAN. QazAqparat – Parlament Májilisiniń jalpy otyrysynda «Eýrazııalyq ekonomıkalyq odaqqa múshe memleketterdiń qarjy naryǵy salasyndaǵy zańnamasyn úılestirý týraly kelisimdi ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

Uqsas jańalyqtar

Kelisim 2014 jylǵy 29 mamyrdaǵy EAEO týraly sharttyń 70-babyna sáıkes ázirlendi, onda ortaq qarjy naryǵyn qurý maqsatynda halyqaralyq kelisimdi ázirleý jáne qarjy naryǵy salasyndaǵy zańnamany úılestirý kózdelgen.

«Ortaq qarjy naryǵyn qurý bank, saqtandyrý sektorynda jáne baǵaly qaǵazdar naryǵyndaǵy qyzmet kórsetý sektorynda lıtsenzııalardy ózara tanýdy, qarjy naryqtaryna kemsitýshiliksiz kirýdi qamtamasyz etýdi, memlekettik retteýdi jetildirýdi jáne qarjy naryqtarynda baqylaý men qadaǵalaýdy júzege asyrýdy kózdeıdi», - dedi QR Ulttyq bank tóraǵasy Erbolat Dosaev.

Kelisimde úılestirý úshin 7 baǵyt aıqyndalady: qarjy naryqtaryna qatysýshylarǵa olardy qurýǵa, qalyptastyrý men qyzmetine qatysty kelisilgen talaptary; halyqaralyq standarttarǵa sáıkes qarjy naryǵy salasyndaǵy táýekelderdi retteý; qadaǵalaý talaptary jáne qarjy naryǵynyń qatysýshylaryna qadaǵalaýdy júzege asyrý tártibi; lıtsenzııalardy ózara tanýǵa talaptar; qarjy naryǵy salasyndaǵy aqparatty jarııa etýge talaptar; múshe memleketter ınvestorlarynyń qarjy naryǵyna qatysýshylardyń jarǵylyq kapıtalynda úlesterdi (aktsııalardy) ıelenýi; qarjylyq qyzmetter tutynýshylarynyń quqyqtaryn jáne múddelerin qorǵaý jónindegi talaptar.

«Kelisimde úılestirýdi júrgizý tártibi aıqyndalǵan. Kelisim kúshine engennen keıin 9 aıdyń ishinde Úılestirý jospary ázirlenedi. Onda úılestirýdi júrgizý kezeńderi men merzimderi kózdeledi. Zańnamany úılestirý jónindegi kelisilgen usynystardy EEK keńesi (vıtse-premerler deńgeıi) bekitedi jáne halyqaralyq kelisimder qabyldaý arqyly ulttyq zańnamaǵa engiziletin bolady. EAEO elderiniń biriniń zańnamasy úılestirý ólshemsharty bolmaıtynyn atap ótken jón. Úılestirý halyqaralyq qaǵıdattar men standarttar nemese eń úzdik halyqaralyq praktıka negizinde júrgiziletin bolady. Zańnamany úılestirýdi 2025 jyly aıaqtaý josparlanýda», - dedi UB tóraǵasy.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT