EAEO aıasyndaǵy ózara saýdada teńgeniń úlesi qandaı

NUR-SULTAN. QazAqparat – Eýrazııalyq ekonomıkalyq odaq aıasyndaǵy ózara saýdada teńgeniń úlesi qandaı? Bul suraqqa OKQ-da ótken baspasóz máslıhatynda QR Saýda jáne ıntegratsııa vıtse-mınıstri Janel Kúshikova jaýap berdi, dep habarlaıdy QazAqparat tilshisi.

Uqsas jańalyqtar

Nyǵmatýlın: Májilismender EAEO aıasynda aýyl sharýashylyǵy salasyndaǵy kelisimdi qaraıdy

«EAEO aıasynda kásipkerler ózara esep aıyrysar kezde qandaı valıýtany tańdaýy kerektigi jóninde shekteý nemese arnaıy retteý formasy joq. Qandaı valıýtada esep aıyrysý jón ekenin kásipkerdiń ózderi sheshedi», - dedi Janel Kúshikova OKQ-da ótken baspasóz máslıhatynda.

Onyń aıtýynsha teńgemen saýda jasaıtyn kásipkerlerdiń sany óte az.

«Álbette Reseı Federatsııasymen saýda qarym-qatynasy baıaǵydan kele jatyr. Eki el arasyndaǵy taýar aınalymynyń kólemi óte úlken. Kásipkerler kóbinese ulttyq valıýtada esep aıyrysqandy jón kóredi. EAEO aıasynda esep aıyrysýdyń shamamen 76-77 paıyzdyq mólsheri ulttyq valıýtamen júrgiziledi. Reseı Federatsııasy degen aýqymdy naryq ekenin eskersek, bul esep aıyrysýdyń orasan zor úlesi reseılik rýblge tıesili ekenin túsinemiz. Al teńgeniń úlesi bul turǵyda shamamen 1,5 paıyzdy quraıdy», - dedi ol.