+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

EAEO aıasynda órt sóndirý quraldaryna jańa tehnıkalyq reglament engiziledi

2020 jylǵy 2 qańtar 10:28
Bólisińiz:
EAEO aıasynda órt sóndirý quraldaryna jańa tehnıkalyq reglament engiziledi

NUR-SULTAN. QazAqparat - 1 qańtardan bastap Eýrazııa ekonomıkalyq odaǵy aıasynda órt qaýipsizdigin qamtamasyz etý jáne órt sóndirý quraldaryna jańa tehnıkalyq reglament engiziledi, dep habarlaıdy QazAqparat Eýrazııa ekonomıkalyq komıssııasyna silteme jasap.

Eýrazııa ekonomıkalyq odaǵynyń 2017 jyly qabyldanǵan «Órt qaýipsizdigin qamtamasyz etý jáne órt sóndirý quraldaryna qoıylatyn talaptar» týraly tehnıkalyq reglamenti kúshine endi.

Qujat órt qaýipsizdigin qamtamasyz etetin, órttiń aldyn alyp, sóndiretin, dúnıe-múlikti qorǵaıtyn, adamdardy qyzyl jalynnan qutqaratyn arnaıy taýarlarǵa arnalǵan. Tehreglament talaptaryna jaýap beretin ónimder tizimi qosymshada kórsetilgen.

Bul negizinen órt sóndirýshi quraldar, órt shkaftary, qulaqtandyrýshylar, qysymdy shlang, órt sóndirýshiniń arnaıy qorǵaýshy kıimi, órt sóndirýshi jabdyqtar jáne basqalar.

Tehreglament biryńǵaı mindetti talaptardy, sondaı-aq órt qaýipsizdigin qamtamasyz etý jáne órt sóndirý quraldaryn sáıkestendirý erejelerin jáne biryńǵaı odaq naryǵyndaǵy aınalymyn, negizgi uǵymdaryn, odan bólek sáıkestikti baǵalaý tártibin belgileıdi. Negizi bul quraldardy toıtarys beriletin qaýip-qaterdiń dárejesine qaraı sertıfıkattaý nemese deklaratsııalaý arqyly tehnıkalyq reglamentke sáıkestigin baǵalaý kerek.

«Eýrazııa ekonomıkalyq odaǵy aıasyndaǵy jańa ǵana kúshine engen tehnıkalyq reglament naryq qatysýshylary úshin óte mańyzdy. Óıtkeni ol órt qaýipsizdigin qamtamasyz etý jáne órt sóndirý quraldaryn óndirý jáne qaýipsiz aınalymǵa shyǵarý talaptaryn belgileıdi, – dep atap ótti EAEK tehnıkalyq reglament jónindegi alqa múshesi Vıktor Nazarenko. – 2020 jyldyń 1 qańtarynan bastap elderimizdiń ekonomıkalyq yntymaqtastyǵy jolyndaǵy taǵy bir kedergiden qutyldyq deýge bolady».


Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT