+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

EAEO - 5 jyl: Máskeý metrosynda mereıtoılyq poıyz jolǵa shyqty

2019 jylǵy 7 jeltoqsan 16:24
Bólisińiz:
EAEO - 5 jyl: Máskeý metrosynda mereıtoılyq poıyz jolǵa shyqty

MÁSKEÝ. QazAqparat – Máskeýlik metropolıtende Eýrazııa ekonomıkalyq odaǵynyń bes jyldyǵyna oraı merekelik poıyz iske qosyldy, dep habarlaıdy QazAqparattyń menshikti tilshisi.

Uqsas jańalyqtar
EAEO memleketterindegi eńbekkerlerdi zeınetaqymen qamtý kelisimine qol qoıyldy Sankt-Peterbýrgte shaǵyn quramda JEEK otyrysy ótti Vıtse-mınıstr: Reseı naryǵyna engen otandyq kompanııalar problemalaryn aıta bermeıdi

Poıyz eki sektsııalyq vagonnan turady. Árqaısysynyń ıntereri EAEO-ǵa múshe Armenııa, Belarýs, Qazaqstan, Qyrǵyzstan jáne Reseı memleketterine arnalǵan.

Jolaýshylar elder týraly qyzyqty derekterdi bilip, olardyń negizgi salalarymen jáne ulttyq taǵamdarynyń erekshelikterimen tanysa alady. Sonymen qatar, ár vagonda Eýrazııalyq ekonomıkalyq odaqtyń ne ekeni, qashan jáne ne úshin qurylǵany, Eýrazııalyq ekonomıkalyq komıssııanyń ne isteıtini týraly málimetter jarııalanǵan. Onyń joǵarǵy bóliginde qatysýshy elderdegi JІÓ ósý qarqyny kórsetilgen.


Esik aldynan jolaýshylar EAEO elderiniń taýarlar eksportynyń qurylymy, úshinshi eldermen syrtqy saýda nátıjeleri, Odaqtyń onyń turǵyndary úshin paıdasy týraly ınfografıkany taba alady. QR kodtary jolaýshylarǵa EAEO týraly anımatsııalyq beınelerdi kórýge, sonymen qatar áleýmettik jelilerdegi EEK paraqshalaryna kirýge jáne Odaq týraly sońǵy jańalyqtardy oqýǵa múmkindik beredi.

«Bul dostyq poıyzy máskeýlikterge Eýrazııalyq ekonomıkalyq odaqtyń qandaı ekendigi týraly aqparat beredi. Biz jas qaýymdastyqpyz, sondyqtan mundaı bastamalar biz úshin óte mańyzdy. Olar Odaqtyń tanylýyna yqpal etedi jáne qaýymdastyqtyń artyqshylyqtary týraly aıtýǵa kómektesedi», - dep atap ótti EEK Kollegııasynyń tóraǵasy Tıgran Sarkısıan poıyzdyń ashylý saltanatynda.


EEK baspasóz qyzmeti habarlaǵandaı, EAEO-nyń bes jyldyǵyna arnalǵan poıyz alty aı boıy Koltsevaıa metrosynda júredi jáne úsh mıllıonǵa jýyq adamdy tasymaldaıdy. Olar Odaq jetistikterimen jáne qatysýshy elder sıpattamalarynyń áleýmettik-ekonomıkalyq kórsetkishterimen egjeı-tegjeıli tanysa alady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT