+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

E. Hasanǵalıevtiń ánderin oryndaýshylar festıvalinde mańǵystaýlyq B.Kónebaeva top jardy

2014 jylǵy 27 maýsym 10:52
Bólisińiz:

ORAL. QazAqparat - Oralda belgili ánshi-kompozıtor, QR halyq ártisi, Memlekettik syılyqtyń laýreaty Eskendir Hasanǵalıevtiń ánderin oryndaýshylardyń VII halyqaralyq «Atameken» án festıvaliniń jeńimpaz-júldegerleri belgili boldy.

Oblystyq halyq shyǵarmashylyǵy ortalyǵy dırektorynyń mindetin atqarýshy Nurgúl Berdashevanyń aıtýynsha, dástúrli án dodasynda mańǵystaýlyq Baqtyly Kónebaeva bas júldeni ıelenip, jeńimpaz atandy. Oraldyq jas talanttardyń biri, júrgizýshiligimen de tanymal Kamalıden Aıtbaev 1-orynǵa kóterildi. Sondaı-aq Nurbol Temirǵalıev (Qaraǵandy) pen Rasım Jumaǵalıev (Oral) - ekinshi, Mırjan Qabdolov (Atyraý), Aıymbek Sartýkov (Oral), Aıbek Dáýletqalıev (BQO, Terekti aýdany) úshinshi oryndy enshiledi. Birqatar ánshiler dıplomant atandy.

Bul jolǵy baıqaýdyń ereksheligi, Eskendir Hasanǵalıevtiń sırek aıtylatyn ánderi oryndaldy, ıaǵnı qatysýshylar barynsha ázirlengen. Úmitkerlerdiń Mońǵolııadan, Reseıdiń Astrahan, Samara oblystarynan da at arytyp kelýi baıqaýdyń aıasy jyl saıyn keńeıip kele jatqandyǵyn kórsetedi.

«Atameken» án festıvaliniń ótýine oraı elge kelgen ákeli-balaly ánshi-kompozıtorlar Eskendir jáne Birjan Hasanǵalıevterdi oblys ákimi Nurlan Noǵaev qabyldap, qurmet kórsetti. Eskendir Hasanǵalıevtiń sózine qaraǵanda, 2000 jyly bastaý alǵan festıval eki jylda bir ret uıymdastyrylyp keledi. Sońǵy jyldary onyń halyqaralyq mártebe ıelenýi qýantady. Eń basty maqsat - óner áleminde jańa kórine bastaǵan jas talanttarǵa jol ashý.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT