Djý-djıtsý: Móldir Mekenbaeva Ábý-Dabıde álem chempıony atandy

ALMATY. QazAqparat - Belgili qazaqstandyq sportshy Móldir Mekenbaeva Birikken Arab Ámirlikteriniń astanasy Ábý-Dabı qalasynda djıý-djıtsýdan ótken álem chempıonatynda jeńimpaz atandy, dep habarlaıdy QazAqparat tilshisi.

Uqsas jańalyqtar

Qostanaıdyń «Tobylyna» jańa fýtbolshylar keldi

XIX qysqy Sýrdlımpıadanyń ashylý saltanaty ótti Konkımen júgirýden álem kýbogynda Qazaqstan komandasy úzdik úshtikke endi Jambylda bıyl 170-ten astam sport alańshasy salynýda

Bul týraly 22 jastaǵy qazaqstandyq sportshy óziniń instagram-daǵy paraqshasynda jazdy.

«Bıylǵy jyly álem chempıonaty «nevaza» bólimi boıynsha Ábý-Dabıde ótti. Úsh jarym jyldan soń men sol arenada, eń bedeldi jarysta altyn medalǵa ıe boldym», - dep jazdy Móldir Mekenbaeva.

Aıtýynsha, ol týrnırdiń favorıtteri sanalatyn ataqty sportshylar óner kórsetken myqty topqa engen.

«JJIF halyqaralyq djıý-djıtsý federatsııasynyń reıtınginde men birinshi orynda turdym, sondyqtan men alǵashqy aınalymnan avtomatty túrde óttim. Ekinshi jekpe-jekte kanadalyq sportshymen shyqtym. Ony jeńgenen keıin, 2017 jyldyń chempıonymen kezdesemin dep oıladym. Alaıda ol shvetsııalyq sportshydan jeńilip qaldy. Oılamaǵan jerden úshinshi jekpe-jekte Shvetsııa sportshysyn jeńip, fınalǵa joldama aldym. Onda men reseıdiń tájirıbeli sportshysymen kúsh synastym. Fınalda men qylqyndyrý ədisin qoldanyp, jeńimpaz atandym», - dep jazdy chempıon.

Móldir Mekenbaevanyń aıtýynsha, altynǵa qol jetkizý ońaı emes. Ol úlken eńbekpen, jigerdi qajet etedi.

«Álem chempıonatynda Qazaqstannyń ánuranyn shyrqatý úshin kóp kúsh jumsaısyń. Men baqyttymyn. Meni Alla Taǵala qoldady. Shúkir. Sportshynyń tuǵyrǵa shyǵyp, qolyn júreginiń tusyna qoıyp, óz eliniń ánuranyn birge oryndaý eń úlken baqyt. Bul kezdegi sezimdi sóben aıtyp jetkizý múmkin emes», - dep bólisti óz áserimen Móldir Mekenbaeva.

Aıta ketý kerek, jaqynda ol brazılııalyq djıý-djıtsýdan qońyr belbeý ıegeri atanǵan bolatyn.