Dúısenbide birneshe óńirde 38-41 gradýs ystyq bolady
2022 jylǵy 26 maýsym 18:23

Dúısenbide birneshe óńirde 38-41 gradýs ystyq bolady

NUR-SULTAN. QazAqparat – Qazgıdromettiń boljamynda 27 maýsymda da ystyq aýa raıy elimizdiń kóp aımaǵynda saqtalady, dep habarlaıdy QazAqparat.

Almaty qalasynda 36 gradýs qatty ystyq kútiledi.

27 maýsymda túnde jáne tańerteń Mańǵystaý oblysynyń batysynda, soltústik-batysynda, kúndiz ońtústiginde, soltústiginde, ortalyǵynda naızaǵaı sharqyldap, shańdy daýyl kútiledi. Soqqan jeldiń jyldamdyǵy15-20 m/s jetedi.

Qyzylorda oblysynda jel soltústik-batystan, soltústikten soǵady. Kúndiz oblystyń ortalyǵynda kúshi 15-20 m/s kútiledi. Kúndiz 41 gradýs qatty ystyq kútiledi. Oblystyń basym bóliginde tótenshe órt qaýpi saqtalady.

Shyǵys Qazaqstan oblystyń shyǵysynda, kúndiz soltústiginde, shyǵysynda, ortalyǵynda naızaǵaı kútiledi. Kúndiz oblystyń soltústiginde, shyǵysynda burshaq, daýyl kútiledi. Jel ońtústikten soltústik-batysqa aýysady, kúndiz oblystyń soltústiginde, shyǵysynda 15-20, ekpini 23 m/s. Kúndiz oblystyń ońtústiginde qatty ystyq 38 gradýsqa jetedi. Oblystyń batysynda tótenshe órt qaýpi saqtalady.

Pavlodar oblysynyń ońtústiginde, shyǵysynda qatty jańbyr. Soltústiginde, ońtústiginde, shyǵysynda, oblys ortalyǵynda naızaǵaı, burshaq, daýyl kútiledi. Soltústik-batystan jel soǵyp, kúni 15-20, ekpini 23 m/s jetedi.

Qaraǵandy oblysynyń soltústiginde, shyǵysynda naızaǵaı, burshaq, daýyl kútiledi. Soltústik-batystan jel soǵady, túnde oblystyń soltústiginde ekpini 15-20 m/s, kúndiz oblystyń basym bóliginde kúshi 15-20, ekpini 23 m/s kútiledi. Kúndiz oblystyń ońtústiginde 35-38 gradýs qatty ystyq saqtalady.

Ulytaý oblysynyń ońtústiginde soltústik-batystan soqqan jel ekpini 15-20 m/s jetedi.

27 maýsymda Soltústik Qazaqstan oblysynyń ońtústiginde, soltústiginde, shyǵysynda soltústik-batystan 15-20 m/s jyldamdyqpen jel soǵady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT