Dýshanbede Ortalyq Azııa elderi ombýdsmenderiniń kezdesýi ótti

NUR-SULTAN. QazAqparat - QR Adam quqyqtary jónindegi ýákil Asqar Shákirov Dýshanbede Ortalyq Azııa elderi ombýdsmenderiniń keńesine qatysty, dep habarlaıdy atalǵan ýákil apparatynyń baspasóz qyzmeti.

BUU Adam quqyqtary jónindegi Joǵarǵy Komıssar basqarmasynyń jáne BUU Damý Baǵdarlamasynyń qoldaýymen uıymdastyrylǵan kezdesý barysynda aımaq elderiniń ulttyq quqyq qorǵaý mekemeleriniń yntymaqtastyǵynyń «jol kartasy» jobasy talqylandy. Qaralǵan is-qımyl jospary quqyq qorǵaý jumysynyń ózara is-qımyly jáne tájirıbesimen almasýdy, osy saladaǵy jalpyǵa tanylǵan halyqaralyq standarttar men úzdik tájirıbelerdi ilgeriletýdi kózdeıdi.

Keńes qorytyndysy boıynsha maýsym aıynda Tashkent qalasynda joǵaryda kórsetilgen qujatty bekitý týraly sheshim qabyldandy.