Dúnıejúzilik saýda uıymyndaǵy Qazaqstannyń Turaqty ókili taǵaıyndaldy

2022 jylǵy 6 qazan, 16:22
Dúnıejúzilik saýda uıymyndaǵy Qazaqstannyń Turaqty ókili taǵaıyndaldy

ASTANA. QazAqparat – Memleket basshysynyń Jarlyǵymen Janar Seıdaqmetqyzy Aıtjan Dúnıejúzilik saýda uıymy men halyqaralyq ekonomıkalyq uıymdar janyndaǵy Qazaqstan Respýblıkasynyń Turaqty ókili laýazymyna taǵaıyndaldy. Bul týraly QazAqparat Aqordaǵa silteme jasap habarlaıdy.

Janar Aıtjan 1965 jyly 9 mamyrda dúnıege kelgen.

Qazaq memlekettik ýnıversıtetiniń tarıh fakýltetin, Birikken Vena ınstıtýtynyń ekonomıka jáne qarjy baǵdarlamasyn bitirgen, Garvard ýnıversıtetiniń Dj.Kennedı atyndaǵy Memlekettik basqarý mektebiniń magıstr dárejesine ıe. 1989-1991 jyldary Máskeý memlekettik ýnıversıtetinde jáne Praga qalasyndaǵy Karlov ýnıversıtetinde taǵylymdamadan ótti.

1993-1996 jyldary BUU-nyń Qazaqstandaǵy ókildiginiń baǵdarlamalar úılestirýshisi boldy.

1997-1999 jyldary BUU úılestirýshisiniń kómekshisi jáne Mońǵolııadaǵy BUU Damý baǵdarlamasy ókiliniń kómekshisi – BUUDB memlekettik basqarýdy reformalaý jáne reformalar máseleleri jónindegi baǵdarlamalarynyń jetekshisi, 1999-2002 jyldary Nıý-Iorktegi BUU Damý baǵdarlamasynyń Eýropa jáne TMD óńirlik bıýrosy Ortalyq Azııa elderi bóliminiń baǵdarlamalar kýratory laýazymdaryn atqardy.

2003-2010 jyldary QR Indýstrııa jáne saýda vıtse-mınıstri laýazymynda Qazaqstannyń syrtqy saýdasyna jaýapty boldy.

2005 jyldan bastap 2016 jylǵa deıingi kezeńde Dúnıejúzilik saýda uıymyna kirý jónindegi kelissózder boıynsha Qazaqstan Respýblıkasynyń arnaıy ókiliniń mindetin atqardy.

2010 jyly QR Ekonomıkalyq damý jáne saýda mınıstri bolyp taǵaıyndaldy, 2011-2016 jyldary QR Ekonomıkalyq ıntegratsııa isteri mınıstri bolyp jumys istedi.

2016-2019 jyldary QR Shveıtsarııa Konfederatsııasyndaǵy Elshisi, sondaı-aq QR Lıhtenshteın Knıazdigindegi men Vatıkan Memleketindegi qosa atqarýshy Elshisi boldy.

2016-2022 jyldary Jeneva qalasyndaǵy BUU bólimshesi jáne basqa da halyqaralyq uıymdar janyndaǵy Qazaqstan Respýblıkasynyń Turaqty ókili qyzmetin atqardy.

Tótenshe jáne Ókiletti Elshi dıplomatııalyq dárejesine ıe.

Uqsas jańalyqtar
Seriktester jańalyqtary

Jańalyqtar