FÝTBOLDAN ÁLEM ChEMPIONATY-2022
  Jańalyqtar  >
  Sport

Dúnıejúzilik kóshpendiler oıyny: Qazaqstandyqtar kókpar men jamby atýdan saıysqa túsedi

2022 jylǵy 1 qazan, 12:25
Dúnıejúzilik kóshpendiler oıyny: Qazaqstandyqtar kókpar men jamby atýdan saıysqa túsedi

IZNIK. QazAqparat - Túrkııanyń Iznık qalasynda ótip jatqan Dúnıejúzilik kóshpendiler oıyndarynda búgin qazaqstandyqtar kókpar men jamby atýdan saıysqa túsedi, dep habarlaıdy QazAqparat tilshisi.

Kókpardan el quramasy búgin Mońǵolııamen saıysqa túsedi. Qazaqstandyq kókparshylar budan buryn Ózbekstannan 8:1 esebimen basym túsken bolatyn.

Sondaı-aq, el quramasy sapynan sportshylar jamby atýdan (at ústinde sadaq atý) júldelerdi sarapqa salady.

Sporttyń atalǵan túrinen el namysyn Eralhan Aıkóz, Abzal Tulybekov, Baqdáýlet Babajan qorǵap jatyr.

«Saıys 3 stıl boıynsha ótkiziledi. Onyń 2-i túrik, 1-i vengr ádisi boıynsha ótýde. Jarystyń ekinshi kúninde qabaq atý (túrik ádisi) boıynsha qazaqstandyq sportshy kúmis júldege (kishi medal) ıe boldy. Álemniń 21 elinen kelgen 75 sportshy arasynda jamby atýdan tuńǵysh Álem chempıony Eralhan Aıkóz qarsylasyna sál ǵana aıyrmashylyqpen ese jiberdi», - dep málim etti Ulttyq sport túrleri ortalyǵynan.

Eske salsaq, budan buryn Qanat Qasymhan dástúrli sadaq atýdan «kúmis» alǵan edi.


Foto: ulttyqatsport.kz

Seriktester jańalyqtary

Jańalyqtar