FÝTBOLDAN ÁLEM ChEMPIONATY-2022
  Jańalyqtar  >
  Sport

Dúnıejúzilik kóshpendiler oıyndary: Kókpardan Qazaqstan quramasy Ózbekstandy jeńdi

2022 jylǵy 30 qyrkúıek, 12:15
Dúnıejúzilik kóshpendiler oıyndary: Kókpardan Qazaqstan quramasy Ózbekstandy jeńdi

ASTANA. QazAqparat - Túrkııanyń Iznık qalasynda ótip jatqan IV Dúnıejúzilik kóshpendiler oıyndarynyń alǵashqy kúngi nátıjesi belgili boldy, dep habarlaıdy QazAqparat tilshisi.

Kókpardan el quramasy Ózbekstandy 8:1 esebimen jeńip, kelesi aınalymǵa ótti. Qazaqstandyqtar qatarynan Qurmanbek Turǵanbek úsh salym salsa, Abylaıhan Nyshanbekov, Arman Jamalbekov, Yntymaq Álipbaev, Islam Rát, Aınabek Berdiqul bir-bir salymǵa ıe boldy.

Dástúrli sadaq atýdan Qasymhan Qanat, Alı Sessıgýzel, Azamat Nurtaev jartylaı fınalǵa joldama aldy.

Sondaı-aq, áıelder arasynda Aıym Tilepbergen men Aıaýlym Appazova úzdik 16 mergenniń qataryna endi.

Kóshpendiler oıyndaryna álemniń 102 elinen 3 myńnan astam sportshy qatysýda. Qazaqstannyń atynan 50 sportshy saıystyń bes túrinen baq synasady. Olar – kókpar, qazaq kúresi, dástúrli sadaq atý, jamby atý, kókbóri.

Eske salsaq, IV Dúnıejúzilik kóshpendiler oıyndarynyń saltanatty ashylý rásimi ótti.



Tegı:
Sport   Álem   Túrkııa  
Uqsas jańalyqtar
Seriktester jańalyqtary

Jańalyqtar