+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Dúnıejúzilik bank reıtıngi: Qazaqstan «Jemqorlyqty baqylaý» kórsetkishin jaqsartty

2019 jylǵy 10 jeltoqsan 11:33
Bólisińiz:
Dúnıejúzilik bank reıtıngi: Qazaqstan «Jemqorlyqty baqylaý» kórsetkishin jaqsartty

NUR-SULTAN. QazAqparat – Dúnıejúzilik banktiń baǵalaýynsha, Qazaqstan sońǵy jyly «Jemqorlyqty baqylaý» ındıkatory boıynsha kórsetkishterdi eki ret jaqsartqan. Bul týraly elordada ótken V jyl saıynǵy sybaılas jemqorlyqqa qarsy konferentsııada aıtyldy, dep habarlaıdy QazAqparat tilshisi.

Uqsas jańalyqtar
2 mln teńge para: Jambyl oblystyq kóshi-qon departamentiniń basshysy úıqamaqqa alyndy Túrkistan oblysy ákiminiń orynbasary sybaılas jemqorlyqtyń oryn alý sebepterin aıtty Túrkistan oblysynda jemqorlyq táýekelderi 50%-dan  2%-ǵa tómendedi

«Álemdegi kóptegen memlekette jemqorlyq ekonomıkanyń jaqsy damýyna kedergi keltirip eń bastysy, azamattardyń quqyqtary men ál-aýqatyna tosqaýyl bolyp, memlekettik ınstıtýtqa degen senimdi joǵaltady. Túbegeıli jáne kelisimge kelýsiz jemqorlyqpen kúres bastamasyn Ult kóshbasshysy Nursultan Nazarbaev bastap, qazirgi Memleket basshysy Qasym-Jomart Toqaev jalǵastyryp keledi. QR Prezıdenti halyqqa Joldaýynda jemqorlyqpen júıeli túrde kúresý kerektigin birneshe ret aıtyp ótken», - deıdi QR Memlekettik hatshysy Qyrymbek Kósherbaev.

Onyń aıtýynsha, Qazaqstan BUU-nyń Jemqorlyqqa qarsy konventsııasynyń tolyq quqyly múshesi.

«Bizde otandyq jáne halyqaralyq tájirıbege negizdelgen zańnamalyq baza jasaldy. Halyqtyń ál-aýqatyn kóterýdi maqsat ete otyryp, qoǵamdy jemqorlyqtan azat qylatyn damýdyń jańa modelin anyqtaımyz. Osy maqsatta memlekettik qyzmette aýqymdy reforma bolyp, ınnovatsııalyq damýǵa negizdelgen kásibı memlekettik apparat qurylýda. Bıznes pen ınvestıtsııany qorǵaıtyn nátıjeli mehanızm qurylyp, qoǵamdyq baqylaý keńistigi ulǵaıýda. Memlekettik qyzmet salasynda tsıfrlyq tehnologııalardy qoldaný turmystyq jemqorlyqty azaıtady dep oılaımyz. Jalpy alǵanda, Qazaqstannyń jemqorlyqpen kúresý saıasatyn halyqaralyq sarapshylar tarapynan da, álemdik reıtıngte de joǵary baǵalanýda. Mysaly, Dúnıejúzilik banktiń baǵalaýynsha, Qazaqstan sońǵy jyly «Jemqorlyqty baqylaý« ındıkatory boıynsha kórsetkishterdi eki ret jaqsartqan», - deıdi ol.

Konferentsııaǵa 10 elden 20-dan astam spıker qatysty. Olardyń ishinde Frantsııanyń Sybaılas jemqorlyqqa qarsy agenttiginiń basshysy Sharl Dıýshen, Moldovanyń Sybaılas jemqorlyqqa qarsy bıýrosynyń eks-prezıdenti Anatolıı Donchý, Ýkraınanyń Sybaılas jemqorlyqqa qarsy ulttyq bıýrosy dırektorynyń orynbasary Anatolıı Novak jáne taǵy basqalary bar.

Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT