+7 (701) 759 90 19
USD 388.96 EUR 432.21
RUB 6.09 CNY 54.99
Jańalyqtar

Dúnıejúzilik bank Aral teńizin qalpyna keltirý jobasyn daıyndaýǵa qoldaý kórsetedi

2019 jylǵy 22 mamyr 17:00
Bólisińiz:
Dúnıejúzilik bank Aral teńizin qalpyna  keltirý jobasyn daıyndaýǵa qoldaý kórsetedi

NUR-SULTAN. QazAqparat - Eýropalyq Odaq pen Dúnıejúzilik bank Ortalyq Azııanyń energetıkalyq jáne sý qaýipsizdigin qoldaý úshin 7 mln eýro kóleminde jańa grant berý týraly kelisimge qol qoıýǵa nıetti.

Bul jaıynda Eýropalyq Odaqtyń Qazaqstandaǵy ókildigi málim etti, dep habarlaıdy QazAqparat tilshisi.

Taratylǵan aqparatta sý resýrstaryn tıimdi paıdalaný Ortalyq Azııanyń barlyq elderiniń turaqty damýynyń mańyzdy bólshegi sanalatyndyǵy aıtylǵan. Bólinetin qarjy Dúnıejúzilik bank júzege asyratyn Ortalyq Azııadaǵy energetıkalyq jáne sý resýrstaryn damytý baǵdarlamasyna zor úles qosady. Atalǵan baǵdarlama 2009 jyly bastaldy jáne Ortalyq Azııa elderiniń (Qazaqstan, Qyrǵyzstan, Tájikstan, Túrikmenstan jáne Ózbekstan) óńirlik yntymaqtastyqtyǵyn damytý arqyly energetıkalyq jáne sý qaýipsizdigin nyǵaıtýǵa járdemdesýge baǵyttalǵan.

2019 jyldyń 23 mamyrynda kelisimge qol qoıý sharasyna Dúnıejúzilik banktiń Ortalyq Azııa boıynsha óńirlik dırektory Lılııa Býrýnchýk jáne EO-nyń Qazaqstandaǵy Elshisi Sven-Olov Karlsson qatysady. Shara barysynda ákimshiler baǵdarlamany júzege asyrýda qol jetkizgen jetistikter men nátıjeler jaıynda aıtyp, aldaǵy josparlarymen bólisedi.

«CAWEP Ortalyq Azııa elderiniń sý jáne energetıka qaýipsizdigin damytý jolynda tehnıkalyq saraptama, saraptamalyq jáne ınvestıtsııalyq qoldaý kórsetýin jalǵastyra beredi. Qazaqstanda CAWEP Aral teńizi úshin jańa ınvestıtsııalyq joba daıyndaýǵa qoldaý kórsetip, tehnıkalyq zertteý júrgizedi. Bul Aral saǵasyn qaıta qalpyna keltirýge septigin tıgizetin bolady», - delingen taratylǵan aqparatta.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT