+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

Dýlat Aǵadildiń advokaty men aǵasy máıitti tekserý kezinde qasynda turǵan

2020 jylǵy 28 aqpan 16:15
Bólisińiz:
Dýlat Aǵadildiń advokaty men aǵasy máıitti tekserý kezinde qasynda turǵan

NUR-SULTAN. QazAqparat – Ýaqytsha ustaý oqshaýlaǵyshynda kóz jumǵan Dýlat Aǵadildiń advokaty men aǵasy máıitti tekserý kezinde qasynda turǵan. Bul týraly Nur-Sultan qalasynyń prokýratýrasynda ótken brıfıngte aıtyldy, dep habarlaıdy QazAqparat tilshisi.

«Birinshi kezekte Aǵadildiń mezgilsiz ómirden ótýine baılanysty jaqyndary men týystaryna kóńil aıtamyz. Áleýmettik jeli men ınternet resýrstarda Aǵadildiń máıitin jýyndyrý rásimin vıdeoǵa túsirip, oǵan kúsh kórsetkeni týraly aqparat tarap jatyr. Bul etıka men moralǵa qarsy keletin áreket. Vıdeomaterıal men onyń taralyp ketýi qaıtys bolǵan adamnyń týystarynyń ruqsatynsyz júzege asyrylǵan», - deıdi Nur-Sultan qalasy prokýrorynyń orynbasary Eldos Qılymjanov.

Ol bolǵan jaǵdaıǵa toqtalyp ótti.

«Aǵadildi Aqmola oblysynyń polıtsııa qyzmetkerleriniń tutqyndaýy sot sanktsııasy negizinde júzege asyrylǵan. Belgilengen tártip boıynsha, Dýlat Aǵadildi Talapker aýylynyń emhanasyndaǵy jáne tergeý ızolıatoryndaǵy medıtsınalyq qyzmetkerler qaraǵan. Kúsh qoldanǵandyǵyn bildretin dene jaraqattary bolmaǵan. Qylmystyq isti tergeý aıasynda sot-medıtsınalyq saraptama taǵaıyndaldy. Qaıtys bolǵan adamnyń otbasyna advokat usynyldy jáne sot-medıtsınalyq saraptama salasynda eki maman jumysqa tartyldy. Olar memlekettik sot saraptamalyq qyzmettiń músheleri emes», - deıdi ol.

Sondaı-aq, prokýror orynbasary máıitti tekserý jumystary qalaı júrgizilgenin aıtty.

«Kelesi kúni máıitti tekserý Aǵadildiń aǵasynyń, advokattyń jáne eki medıtsınalyq maman - Arman Ahanbetov pen Rýslan Satybaldıevtiń qatysýymen ótti. Máıitti tekserý qorytyndysy boıynsha, Aǵadildiń aǵasy men advokat Azanovtyń eshqandaı shaǵymy bolǵan joq. Máıitti soıý jáne zertteý barysy vıdeoǵa túsirilgen, ony etıkalyq sebepterge jáne týysqandary ruqsat etpegenine baılanysty jarııalaı almaımyz. Aldyn ala boljanǵan qorytyndyny buǵan deıin aıtqanbyz: Aǵadildiń ólimine júrek-qan tamyry aýrýy sebep bolǵan. Sot saraptamasynyń túpkilikti qorytyndysy jaqyn arada laboratorııalyq zertteýden keıin belgili bolady», - dedi ol.

Eldos Qılymjanovtyń aıtýynsha, 26 aqpanda barlyq jaǵdaıdy tergeýdiń obektıvtiligin qamtamasyz etý úshin qylmystyq is Nur-Sultan qalasy prokýratýrasynyń arnaıy prokýrorlar basqarmasynyń óndirisine qabyldandy. Qazir barlyq qajetti tergeý amaldary júrip jatyr.

Eske sala ketsek, 25 aqpanda qoǵam belsendisi Dýlat Aǵadil Nur-Sultan qalasyndaǵy tergeý ızolıatorynda kóz jumdy.

Qalalyq Polıtsııa departamenti Dýlat Aǵadildiń ólimine qatysty sotqa deıingi tergeý amaldaryn bastaǵan.





Foto: www.facebook.com/Dýlat Agadıl


Bizdiń kanalymyzǵa jazylyńyz:

Basty sózder: Qoǵam, Prokýratýra,
Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT