Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.39 EUR 431.71
RUB 6.11 CNY 55.88
Jańalyqtar

Dúbirli jekpe-jek: ShQO-da qazaqsha kúresten Halyqaralyq gran-prı ótti

2019 jylǵy 16 maýsym 10:15 1032
Bólisińiz:
Dúbirli jekpe-jek: ShQO-da qazaqsha kúresten Halyqaralyq gran-prı ótti

ÓSKEMEN. QazAqparat - ShQO Tarbaǵataı aýdanynda Yrǵyzbaı Doshanauly atyndaǵy ortalyq stadıonda myńdaǵan adam jınalyp, 30 memleketten kelgen 90 balýannyń kúresin tamashalady, dep habarlaıdy QazAqparat.

Atalmysh týrnır jetinshi ret ótkizilip otyr. Osy ýaqyt aralyǵynda oǵan qatysýshylar men memleketter sany artty. Al bıyl «Tuǵyry bıik Tarbaǵataı» óner men sport festıvali aıasynda ótýi aýqymdylyǵyn keńeıtip otyr.

Halyqaralyq deńgeıdegi tóreshi, óner men sport festıvalin uıymdastyrýshy komıtettiń tóraǵasy Talǵat Mázibaevtyń aıtýy boıynsha, qazaq kúresi qyrkúıek aıynda Koreıada ótetin Álemdik oıyndardyń tizimine endi. Sondyqtan týrnırge sheteldik sportshylardyń qatysýy jaqsy múmkindik.

«Biz jyl saıyn halyqaralyq sportshylardy ashyq aspan astyndaǵy týrnırge shaqyramyz. Eýropa elderinde qazaq kúresi tanymaldylyǵynyń artýy qýantady. Aldaǵy ýaqytta qazaq kúresin olımpıada oıyndaryna qosý maqsatymyz bar. Onyń barlyǵy ýaqyt enshisinde. Bıyl alǵash ret Italııa, Rýmynııa jáne Nıderlandııa memleketteriniń balýandary qatysýda», - dedi bas tóreshi.

Dúbirli jekpe-jek: ShQO-da qazaqsha kúresten Halyqaralyq gran-prı ótti 

Grekııalyq komanda ókili Pekos Teodoras ózi bala kezinde atalmysh sport túrimen aınalysqanyn aıtty.

«Biz osy týrnırge neshe márte qatysyp kelemiz. Jyldan jylǵa trıbýnalar jankúıerlerge tolyp, sharanyń aýqymdylyǵynyń artqandyǵynyń kýásimiz», - dedi Pekos Teodoras.

Kúni boıy sportshylar úlken synǵa tústi. Barlyq 90 sportshy óz elderiniń namysyn joǵary sheberlikpen qorǵap shyqty.

Nátıjesinde 70 keli salmaqta qola júldege Moldova sportshysy Geordje Roký, kúmiske qazaqstandyq Ósken Tóleýbekov, al altyn júldege grýzııalyq Zvıad Odosheshvılı ıe boldy.

Dúbirli jekpe-jek: ShQO-da qazaqsha kúresten Halyqaralyq gran-prı ótti 

80 keli salmaqta birinshi oryndy Tájikstan sportshysy Hamroz Radjabo, ekinshi oryndy grýzııalyq Kaha Momýlashvılı, úshinshi oryndy qazaqstandyq Bekzat Manasbaev ıelendi.

80-nen joǵary salmaqta tartylys qyzý boldy. Qazaqtandyq Aıbek Nuǵymarov pen ózbekstandyq Mýhsın Hısomýdınovtiń jekpe-jegin kórermende qyzyǵýshylyqpen tamashalady. Úlken tartys nátıjesinde Halyqaralyq Gran-Prıdi Aıbek Nuǵymarov ıelendi.

Balýan Mýhsın Hısomýdınov ekinshi orynǵa, grýzııalyq Geordjı Kataradze úshinshi orynǵa taban tiredi.

«Shyǵys Qazaqstanǵa álemniń 30 memleketi kelýi úlken jetistik. Qazaq kúresi tanymal bolyp keledi. Bul qýantarlyq jaıt», - dedi chempıon Aıbek Nuǵymarov.

Dúbirli jekpe-jek: ShQO-da qazaqsha kúresten Halyqaralyq gran-prı ótti 

Marapattaýdan keıin jeńimpazdar «Qazaq promotion» kompanııasy usynǵan saltanatty ári úlken kontsertti tamashalady.

Erteń halyqaralyq 140 shaqyrymdyq at báıgesi ótedi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT