+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Eki jylda álemdik ekonomıkanyń shyǵyndary 12 trln dollardan asady - DDSU

2020 jylǵy 14 tamyz 08:35
Bólisińiz:
Eki jylda álemdik ekonomıkanyń shyǵyndary 12 trln dollardan asady - DDSU

JENEVA. QazAqparat – Dúnıejúzilik densaýlyq saqtaý uıymynyń baǵalaýy boıynsha álemge koronavırýsqa qarsy tıimdi vaktsına jasaý men óndirýge kem degende 100 mıllıard dollar jumsaý qajet. Bul týraly beısenbi kúni brıfıng barysynda DDSU bas dırektory Tedros Adanom Gebreıesýs málim etti, dep habarlaıdy QazAqparat BUU jańalyqtarynyń saıtyna silteme jasap.

Uqsas jańalyqtar
Qazaqstanda ótken táýlikte pnevmonııadan 5 adam qaıtys boldy Qazaqstanda osy ýaqytta 3690 adam koronavırýstan emdelip jatyr Qazaqstanda ótken táýlikte 55 adam koronavırýstan jazylyp shyqty

DDSU basshysy Halyqaralyq valıýta qorynyń baǵalaý derekterin keltirdi. Atalǵan esepke sáıkes pandemııa álemdik ekonomıkaǵa aıyna 375 mıllıard dollar shyǵyn ákeledi. Álemdik ekonomıkanyń eki jyl ishindegi jıyntyq shyǵyndary, dál osyndaı baǵalaý boıynsha, 12 trln dollardan asady.

«Álem pandemııanyń qysqa merzimdi saldarymen kúresýge trıllıon jumsaǵan. Tek G20 elderi pandemııanyń saldaryn joıý jáne jeńildetý úshin bıýdjettik yntalandyrý sharalary retinde 10 trıllıonnan astam dollardy jumyldyrdy. Bul álemniń jahandyq qarjy daǵdarysynyń saldarymen kúresýge jumsaǵan somadan úsh jarym ese kóp», - dedi Tedros Adan Gebreııýs.

Tedros Gebreııýs osy jyldyń sáýir aıynda DDU álemdik kóshbasshylardyń tikeleı qatysýymen pandemııamen kúres jónindegi halyqaralyq yntymaqtastyqtyń jahandyq bastamasyn iske qosqanyn eske saldy.

«Úsh aıdyń ishinde biz aıtarlyqtaı nátıjelerge jettik», – dep atap ótti ol.

DDSU basshysynyń aıtýynsha, qazirgi ýaqytta toǵyz tájirıbelik vaktsına klınıkalyq synaqtyń ekinshi nemese úshinshi kezeńinen ótýde. Álem halqynyń shamamen 70%-yn quraıtyn elder bastamaǵa qosyldy.

«Bul COVID-19-ben kúres quraldaryn ádil jáne teń bólýdi qamtamasyz etetin jalǵyz jahandyq platforma. Biraq bul sátti bolýy úshin jobany qarjylandyrý qajet», – dedi Tedros Adan Gebreııýs.

Onyń aıtýynsha, bul – qazirgi álemdegi eń tıimdi ınvestıtsııa. DDSU bas dırektorynyń pikirinshe, ońtaıly tásildi damytý múmkindigin arttyrý úshin álem birneshe túrli vaktsınalar jasaýy kerek. Tıimdi jáne ámbebap vaktsına jasalǵan kezde, oǵan degen suranys usynystan edáýir asyp túsedi dep atap ótti.


Bizdiń kanalymyzǵa jazylyńyz:

#BUU   #Álem   #Koronavırýs  
Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT