Dosyn uryp óltirdi degen kúdikpen aqtóbelik ustaldy
2022 jylǵy 21 maýsym 14:43

Dosyn uryp óltirdi degen kúdikpen aqtóbelik ustaldy

AQTÓBE. QazAqparat - Aqtóbede eki dos janjaldasyp, biri ekinshisin montırovkamen uryp, óltirip aldy, dep habarlaıdy QazAqparat tilshisi.

Aqtóbe turǵyny ulynyń joǵalyp ketkenin aıtyp, polıtsııadan kómek suraǵan. Jedel izdestirý sharalary barysynda polıtsııa qyzmetkerleri jábirlenýshi men dosynyń arasynda janjal bolǵanyn anyqtady.

«Janjal kezinde 25 jastaǵy jigitti dosy montırovkamen uryp, avtokóligine tıep, ózen jaǵasyna aparyp tastaǵan. Atalǵan derek boıynsha QR Qylmystyq kodekstiń «Adam óltirý» baby boıynsha sotqa deıingi tergep-tekserý amaldary júrgizilip jatyr. Kúdikti QR QPK-niń 128-babyna sáıkes ustalyp, ýaqytsha ustaý ızolıatoryna qamaldy»,- dedi oblystyq PD baspasóz qyzmetiniń jetekshisi Erbolat Sarqulov.
Aıtyp óteıik, Aqtóbe polıtsııasy buǵan deıin aqsha bopsalap keldi degen kúdikpen eki adamdy ustady. Olardy tintý kezinde 400 myń teńge tárkilendi. Buǵan deıin olar 1,7 mln teńgesinen aıyrylsa, keıin qaskóıler taǵy 1,5 mln teńge talap etken. Qylmystyq kodekstiń «Qorqytyp alý» baby boıynsha sotqa deıingi tergeý amaldary júrgizilip jatyr. Kúdiktilerge «qamaýǵa alý» bultarpaý sharasy qoldanyldy.


Seriktester jańalyqtary

Jańalyqtar

Úrdis

MURAǴAT