Dopty hokkeıden «Aqjaıyq» kósh basyndaǵy komandadan jeńilip qaldy
ORAL. QazAqparat – Dopty hokkeıden joǵary lıga komandalary arasynda Reseı chempıonatynda óner kórsetetin Oraldyń «Aqjaıyǵy» «SKA-Sverdlovsk» (Sverdlov oblysy) klýbyn qabyldady, dep habarlaıdy QazAqparat tilshisi.
«Jastar» stadıonyndaǵy match asa tartysty ótti.
Birinshi taımda «Aqjaıyq» 3:2 esebimen alda turdy. Alaıda ekinshi kezeńde qonaqtar kúsh alyp ketti. Qorytyndy esep – 7:5, «SKA-Sverdlovsk» komandasynyń paıdasynda.
Aıdyn ıelerinen Ershat Amangeldıev eki ret mergendik tanytsa, Artem Lapshın, Maksım Pahomov, Pavel Chebakov bir-bir goldyń avtory atandy.
Osy oıynnan keıin 27 upaı jınaǵan «SKA-Sverdlovsk» úshinshi topta kósh basynda keledi. 18 upaıy bar «Aqjaıyq» tórtinshi orynda.
Erteń qos komanda ekinshi kezdesýin ótkizedi.
Eske sala keteıik, budan buryn dopty hokkeıden Oraldyń «Aqjaıyǵynyń» qarsylasyna ese jibergenin jazǵan bolatynbyz.
Foto: «Aqjaıyq» SK
