Dopty hokkeıden «Aqjaıyq» qarsylasyn iri eseppen utty
ORAL. QazAqparat - Dopty hokkeıden joǵary lıga komandalary arasynda Reseı chempıonatynda Oraldyń «Aqjaıyǵy» «SKA-Sverdlovsk» klýbymen ekinshi kezdesýin ótkizdi, dep habarlaıdy QazAqparat tilshisi.
Keshe ótken oıynda Nıkolaı Shavaldınniń shákirtteri 5:7 esebimen ese jibergen edi.
Bul joly aıdyn ıeleri birinshi taımda-aq aıqyn basymdylyq tanytyp, máseleni sheship tastady - 6:2.
Ekinshi kezeńde komandalar teń tústi - 2:2. Qorytyndy esep - 8:4, «Aqjaıyqtyń» paıdasynda.
Osylaısha, oraldyqtar iri eseppen ese qaıyrdy. «Aqjaıyq» sapynan reseılik legıoner Artem Lapshın het-trıktiń avtory atandy. Taǵy bir reseılik Aleksandr Slýgın 2, Maksım Pahomov, Samat Amanshın, Dáýren Oralov bir-birden gol soqty. Qonaqtardan komanda kapıtany Dmıtrıı Chernov 3, Arsenıı Loskýtov 1 gol soǵyp, kózge tústi.
Úshinshi topta 21 upaımen tórtinshi orynda turǵan batysqazaqstandyq komanda qalǵan kezdesýlerin syrt aıdynda ótkizedi. 10-11 aqpanda Votkınskide jergilikti «Znamıa-Ýdmýrtııa» komandasymen sheberlik baıqasady.
Eske sala keteıik, budan buryn «Aqjaıyqtyń» kósh basyndaǵy komandadan jeńilip qalǵanyn jazǵan bolatynbyz.
Foto - «Aqjaıyq» SK.
