Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.04 EUR 427.77
RUB 5.88 CNY 54.45
Jańalyqtar

Dopty hokkeı: Ulttyq quramanyń negizin «Aqjaıyq» oıynshylary qurap otyr

2019 jylǵy 16 qańtar 19:21 899
Bólisińiz:
Dopty hokkeı: Ulttyq quramanyń negizin «Aqjaıyq» oıynshylary qurap otyr

ORAL. QazAqparat  - Shvetsııanyń Venersborg qalasynda 25 qańtar - 2 aqpan aralyǵynda dopty hokkeıden ótetin álem chempıonatyna baratyn Qazaqstan quramasynyń negizin «Aqjaıyq» oıynshylary qurap otyr, dep habarlaıdy QazAqparat tilshisi.

«Aqjaıyq» sport klýby dırektorynyń mindetin atqarýshy Armat Meńdeshevtiń aıtýynsha, bıyl otyz toǵyzynshy ret ótetin álemdik dodaǵa qazaqstandyqtar alǵash ret legıonersiz attanǵaly otyr.

Reseılik bapker Sergeı Infalın jattyqtyratyn Qazaqstan quramasyna «Aqjaıyqtan» Vıacheslav Gorchakov, Berjan Ahmetjanov, Maksım Ótebalıev, Ilıa Glýhov, Bolat Muhıt, Pavel Chebakov, Elaman Álipqalıev, Andreı Gýın, Petr Grıbanov, Ershat Amangeldıev, Samat Amanshın (barlyǵy 11 hokkeıshi) alyndy. Sonymen qatar Aqtóbeniń Hromtaýynan shyqqan Azat Bekturǵan, Qýanysh Temirálın, Sultan Qadyrjanovqa qosa Oral dopty hokkeıiniń túlekteri, qazirgi kezde Reseıdiń sýperlıgasyndaǵy «Sıbselmash» (Novosibir) klýbynda óner kórsetetin Raýan Isalıev pen Norvegııanyń «Hovık» komandasynan Eskendir Nuǵmanov bar.

Qazaqstan quramasy kúshtilerdiń «A» tobynda 26 qańtar kúni Fınlıandııa hokkeıshilerimen kúsh synasady. Sodan keıin 28 qańtarda Reseı, 30-ynda Shvetsııanyń bendı sheberlerimen aıdynǵa shyǵady.

Buǵan deıin qazaqstandyqtardyń álem chempıonatynda alty márte qola júldeger atanǵany belgili.

«Qazaqstan quramasy úshin bıylǵy maqsat - «A» tobynda qalý», - dedi QazAqparat tilshisine A.Meńdeshev.

Sondaı-aq Qazaqstan quramasy dopty hokkeıden Krasnoıarsk qalasynda 25-27 qańtar kúnderi jasóspirimder arasynda ótetin álem chempıonatynda da óner kórsetedi. «Aqjaıyqtyń» bas bapkeri Nıkolaı Shavaldın jattyqtyratyn bul quramanyń negizin oraldyq hokkeıshiler quraıdy.

Eske sala keteıik, budan buryn dopty hokkeıden joǵary lıga komandalary arasynda búkilreseılik jarystyń ekinshi tobynda oınaıtyn «Aqjaıyqtyń» Orynborda «Lokomotıvke» eki márte ese jibergenin jazǵan bolatynbyz.

 

 

 

 

 

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT