Dopty hokkeı: «Aqjaıyq» jańa maýsymǵa daıyndalyp jatyr
2021 jylǵy 9 qarasha 14:45

Dopty hokkeı: «Aqjaıyq» jańa maýsymǵa daıyndalyp jatyr

ORAL. QazAqparat – Dopty hokkeıden Oraldyń «Aqjaıyǵy» joǵary lıga komandalary arasynda búkilreseılik jarysqa daıyndalý ústinde, dep habarlaıdy QazAqparat tilshisi.

Jańa maýsymda oraldyqtar úshinshi topta óner kórsetetin bolady.

Bul topta «Aqjaıyqtan» basqa «Maıak» (Krasnotýrınsk), «SKA-Sverdlovsk» (Ekaterınbýrg), «Nıkelık» (Verhnıı Ýfaleı), «Znamıa-Ýdmýrtııa» (Votkınsk), «Lokomotıv» (Orynbor), «Kırovets» (Ýfa) komandalary bar.

Pandemııaǵa baılanysty ótken maýsymǵa qatysa almaǵan oraldyqtar bıylǵy alǵashqy oıyndaryn 2-3 jeltoqsanda Krasnotýrınskide jergilikti «Maıakpen» ótkizedi.

«Aqjaıyq» sport klýbynyń dırektory mindetin atqarýshy Damır Qalaqovtyń aıtýynsha, komandany burynǵysha oraldyq maman Nıkolaı Shavaldın jattyqtyrady.

«Aqjaıyq» namysyn negizinen jergilikti oıynshylar qorǵaıdy. Sondaı-aq reseılikter Maksım Pahomov, Sergeı Bashaev jáne Aleksandr Slýgın qosyldy. Jańa maýsymda komanda aldyna fınaldyq saıystarǵa joldama alý mindeti qoıylyp otyr», dedi QazAqparat tilshisine D.Qalaqov.

Eske sala keteıik, budan buryn indetke baılanysty «Aqjaıyqtyń» Reseı chempıonatyna qatyspaıtynyn jazǵan bolatynbyz.





Jańalyqtar

MURAǴAT