Dopty hokkeı: «Aqjaıyq» Reseı chempıonatyna qatyspaıdy
2020 jylǵy 3 jeltoqsan 18:28

Dopty hokkeı: «Aqjaıyq» Reseı chempıonatyna qatyspaıdy

ORAL. QazAqparat – Koronavırýs indetine baılanysty Oraldyń «Aqjaıyǵy» dopty hokkeıden Reseı chempıonatyna qatyspaıdy, dep habarlaıdy QazAqparat tilshisi.

Batysqazaqstandyqtar jylda joǵary lıga komandalary arasynda búkilreseılik jarysta baq synap júrgen-di.

«Aqjaıyq» sport klýbynyń dırektory Mereı Qanıbetovtiń málim etkenindeı, bıyl indetke baılanysty hokkeıshilerdiń de shetelge shyǵýyna tyıym salyndy.

Osylaısha 1976 jyly qurylǵan «Aqjaıyq» komandasy bıylǵy Reseı birinshiliginen tys qalyp otyr.

«Qazirgi tańda oraldyq bapker Nıkolaı Shavaldınniń shákirtteri Aqtóbe qalasynda oqý-jattyǵý jıynynda júr. Bıyl kúzde ótýi tıis dopty hokkeıden álem chempıonaty da keıinge qaldyryldy. Bálkim, jaǵdaı túzelse, «Aqjaıyq» joǵary lıga komandalary arasynda búkilreseılik jarystyń fınaldyq kezeńine baryp qalar. Osy baǵytta Reseı dopty hokkeı federatsııasymen sóılesip jatyrmyz. Sondaı-aq barlyq jas erekshelikterine qaraı Qazaqstan chempıonatyn da ótkizý josparlanýda. Munyń bári indettiń qalaı órbıtinine baılanysty», dedi QazAqparat tilshisine Mereı Qanıbetov.

Eske sala keteıik, budan buryn «Aqjaıyq» fýtbol klýbynyń bankrot dep tanylýy múmkin ekendigin jazǵan bolatynbyz.


Jańalyqtar

MURAǴAT