+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Donald Tramp Qazaqstan halqyn Táýelsizdik kúnimen quttyqtady

2019 jylǵy 13 jeltoqsan 12:12
Bólisińiz:
Donald Tramp Qazaqstan halqyn Táýelsizdik kúnimen quttyqtady

NUR-SULTAN. QazAqparat – Memleket basshysy Qasym-Jomart Toqaevtyń atyna Qazaqstan Respýblıkasynyń Táýelsizdik merekesine oraı quttyqtaýlar kelip túsýde, dep habarlaıdy Aqorda.

Memleket basshysy Qasym-Jomart Toqaevtyń atyna Qazaqstan Respýblıkasynyń Táýelsizdik kúni merekesine oraı shet memleketterdiń basshylarynan quttyqtaý hattar men jedelhattar kelip tústi.

Amerıka Qurama Shtattarynyń Prezıdenti Donald Tramp jedelhatynda eliniń jáne jeke óz atynan Qazaqstan halqyn Táýelsizdiktiń 28 jyldyǵymen quttyqtaǵan.

«Berik seriktestigimizdiń arqasynda sońǵy 12 aı ishindegi qol jetkizgen jarqyn jetistikterimizdi zor qýanyshpen atap ótkim keledi. Bizdiń ıadrolyq qarýdy taratpaýdan bastap terrorızmge qarsy kúreske deıingi máselelerdi sheshý isindegi yntymaqtastyǵymyz álemdi edáýir qaýipsiz ári turaqty etti», – delingen jedelhatta.

Donald Tramp Qasym-Jomart Toqaevtyń Qazaqstan Prezıdenti retinde Táýelsizdik merekesin alǵash atap ótip otyrǵanyn aıtyp, jańa jyldyń tabysty bolýyna tilektestik bildirgen.

«Amerıka Qurama Shtattary Sizben jáne Qazaqstan halqymen jemisti jumys isteýge daıyn. Sizdiń kúsh-jigerińizdiń arqasynda Qazaqstannyń bolashaǵy jaryq ári tabysty bolady dep senemin», – delingen AQSh Prezıdentiniń quttyqtaýynda.

Úndistan Prezıdenti Ram Nat Kovınd óz quttyqtaýynda memleketter arasyndaǵy ózara baılanystardyń tarıhı arqaýy berik ekenin atap ótip, Qazaqstannyń ósip-órkendeı berýine nıettestik tanytqan.

«Úndistan men Qazaqstan arasyndaǵy qarym-qatynastar ǵasyrlar boıy jalǵasyp kele jatqan tarıhı jáne mádenı baılanystarǵa negizdelgen. Eki el arasyndaǵy kópjaqty jáne ekijaqty qatynastar strategııalyq seriktestikke ulasty. Yntymaqtastyǵymyz odan ári nyǵaıa túsetinine senimdimin», – delingen quttyqtaý hatta.

Ispanııa Koroli Felıpe óz quttyqtaý hatynda ıspan halqy men Úkimetiniń atynan Qasym-Jomart Toqaevty Táýelsizdik kúnimen quttyqtap, dostas Qazaqstan jurtyna beıbitshilik jáne baq-bereke tiledi.

Sıngapýr Respýblıkasynyń Prezıdenti Halıma ıAkob Qasym-Jomart Toqaevty jáne Qazaqstan halqyn Táýelsizdik kúnimen quttyqtady.

«Sıngapýr men Qazaqstan arasynda jaqsy dostyq qarym-qatynas ornaǵan. Eki el arasynda taýar aınalymy ulǵaıyp, quqyq jáne qarjy salalaryndaǵy yntymaqtastyqtyń nyǵaıyp kele jatqanyna qýanyshtymyn. Halyqtarymyzdyń ıgiligi úshin Ózińizben birlesip jumys isteýge jáne baılanystarymyzdy odan ári arttyra túsýge nıettimiz», – dep jazǵan Halıma ıAkob.

Memleket basshysy men Qazaqstan halqyn Táýelsizdik kúnimen quttyqtap, baq-bereke tilegen jedelhat Avstrııa Prezıdenti Aleksandr Van der Bellennen de kelip tústi.

«Eki el arasyndaǵy barlyq sala boıynsha qarqyndy damyp kele jatqan yqpaldastyqty, onyń ishinde, ekonomıkalyq yntymaqtastyqty tabysty damyta beremiz dep senemin», – delingen jedelhatta.

Avstralııa Odaǵynyń General-Gýbernatory Devıd Herlı óz quttyqtaý hatynda memleketter arasyndaǵy ekijaqty dostyq qatynastardyń odan ári damı beretinine senim bildirgen.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT