+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Dombyra kúni: Qazaqstandyq ansambl Súgirdiń termesin jańa sıpatta oryndap berdi

2020 jylǵy 3 shilde 20:54
Bólisińiz:
Dombyra kúni: Qazaqstandyq ansambl Súgirdiń termesin jańa sıpatta oryndap berdi

NUR-SULTAN. QazAqparat – Ulttyq dombyra kúni qarsańynda «Saz & Soul» ansambli Súgirdiń termesin jańasha óńdeı otyryp, kórermenge usyndy, dep habarlaıdy QazAqparat tilshisi.

Uqsas jańalyqtar
Aqparat mınıstrligi «Rýhanı jańǵyrý» baǵdarlamasyn jańa jaǵdaıǵa beıimdemek Sheteldik tanymal mýltfılm arnalary qazaqshalanýy múmkin Qazaqstandyq metsenattar týǵan jerlerine 270 mlrd teńgege kómek kórsetti

Dombyra kúni osy asyl qazynamyzdyń mártebesin asqaqtatyp, ulttyq ónerge degen súıispenshilikti arttyra tústi. Osy merekege oraı «Qazaqkontsert» uıymynyń «Saz & Soul» vokaldyq-aspaptyq ansambli óner súıer qaýymǵa jańa beınetýyndyny usynyp otyr. Óner ujymy el arasyna keń taraǵan Súgirdiń termesin zamanaýı tyńdarmannyń talǵamyna saı etip oryndady. Ansambldiń oryndaýynda bul tól mýzykalyq týyndy ulttyq boıaýynan ajyramaı, jańasha óńdeýde erekshe estildi.

«Qazaqkontsert» memlekettik kontsettik uıymynyń dırektory, Qazaqstannyń eńbek sińirgen qaıratkeri Jeńis Seıdýllauly atap ótkendeı, rýhanı jańǵyrý jolynda ombyra úni arqyly mýzykalyq dúnıelerimizdi jańa formatta nasıhattaý óte ózekti.


«Dombyra – babadan qalǵan asyl muramyz, ulttyq qundylyǵymyz. «Naǵyz qazaq - qazaq emes, naǵyz qazaq – dombyra» dep aqyn Qadyr Myrzalıev jyrǵa qosqandaı, kúmbirlegen qazaqtyń dombyrasy – halqymyzdyń danalyǵy, tarıhy men mádenıetiniń aıqyn kórinisi. Halyq ánderiniń basym kópshiligi dombyra aspabynyń súıemeldeýimen oryndalady. Bul dombyranyń urpaqtan urpaqqa amanat bolyp jetken ulttyq aspap ekendiginiń taǵy bir belgisi. Halyq ánindeı bolyp ketken Súgirdiń termesin jańasha óńdep oryndaý arqyly bul týyndynyń qazirgi tyńdarmannyń talǵamymen jaqsy úndese alatynyn kórýge bolady. Bul ánge túsirilgen beınetýyndy da sapaly, erekshe shyqty dep bilemin. Aldaǵy ýaqytta kórermenge osyndaı kóptegen sapaly dúnıelerdi usyný josparda bar»,- dep bólisti Jeńis Seıdýllauly.

Aıta keteıik, «Saz & Soul» ansambliniń repertýarynda jańa formatta, ártúrli mýzykalyq janrlarda óńdelgen ózge de halyq ánderi, qazaq kompozıtorlarynyń belgili týyndylary men Ádiljan Tolyqpaevtyń avtorlyq shyǵarmalary bar. Ujymnyń án qorjynyndaǵy shyǵarmalar ulttyq reńkin joǵaltpaı, djaz, klassıka, rok stılderinde oryndalyp, halyqtyń rýhanı jan-dúnıesin baıytady jáne talǵamyn arttyrady. Talantty ónerpazdardyń basyn qosqan top 2017 jyly qurylyp, qazirgi ýaqytta «Qazaqkontsert» memlekettik kontserttik uıymnyń quramynda jemisti eńbek etýde.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT