+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Domalaq ana, Jáńgir han, Muqaǵalı Maqataev jáne basqa tulǵalar jaıly 6 tarıhı serıal efırge shyǵady

2021 jylǵy 18 qyrkúıek 18:10
Bólisińiz:
Domalaq ana, Jáńgir han, Muqaǵalı Maqataev jáne basqa tulǵalar jaıly 6 tarıhı serıal efırge shyǵady

ALMATY. QazAqparat - «Qazaqstan» teleradıokorporatsııasy Almatyda «Qorqyt ata» telehıkaıasy shyǵarmashylyq tobynyń otyrysyn ótkizdi, dep habarlaıdy QazAqparat korporatsııanyń baspasóz qyzmetine silteme jasap.

Aıta keteıik, jıynǵa QR Aqparat jáne qoǵamdyq damý mınıstri Aıda Balaeva qatysty.

«Osy jyldyń basynda Túrkııaǵa resmı saparmen barǵanda birqatar ortaq kelisimderge qol jetkizgen edik. Sonyń biri – túrki jurtyna ortaq tarıhı tulǵalar týraly serıaldar túsirý. Qorqyt ata – túrki áleminiń eń uly tulǵalarynyń biri, barlyq túrki halqyna ortaq tulǵa, ortaq mura. Sondyqtan bul týyndy tek bizdiń kórermenderge ǵana emes, basqa da elderde úlken suranys ákeledi dep senemin. Túrkııa, Ázirbaıjan, Ózbekstan elderin osy jobaǵa shaqyryp, áriptestik ornatý jóninde usynys jasadyq. Qazir tıisti kelissózder júrip jatyr», - dedi mınıstr A.Balaeva telehıkaıanyń shyǵarashylyq tobymen kezdesýde sóılegen sózinde.

Joba prodıýseri - Sholpan Batyrbaeva. Bas keńesshisi – ónertanýshy, etnograf Berik Júsipov.

«Qazaqstan» teleradıokorporatsııasy bıyl jyl sońyna deıin 6 tarıhı telehıkaıa usynady. Olardyń qatarynda Domalaq ana, Jáńgir han, Ahmet Baıtursynuly, Qanysh Sátbaev, Jumabek Táshenev, Muqaǵalı Maqataev syndy uly tulǵalarymyz bar. Tarıhı jobalardyń shyǵarmashylyq top quramyn bekitý – eń kúrdeli protsess. Jyldan-jylǵa tarıhı serıaldar óndirisin arttyrý arqyly naryqta osy salaǵa, ıaǵnı, tarıhı serıaldar ódirisine beıimdelgen mamandardy kóbeıttik, kompanııalar sany da artty. Bul - tarıhı televızııalyq jobalar sapasynyń arta beretinin bildiredi. Osy maqsatta tıisti mınıstrliktiń qoldaýymen bıyl tuńǵysh ret óndiriske úsh jyldyq merzim berilip otyr. Tórt bólimdi «Qorqyt ata» telehıkaıasynyń bıyl tek stsenarııi jazylady», - dedi Basqarma tóraıymy Lázzat Tanysbaı.

Otyrysqa etnograf Tynysbek Qońyratbaev, qınosynshy Dárejan Ómirbaev, jýrnalıst, ádebıettanýshy Álııa Bópejanova, kınotanýshy Gúljan Naýryzbekova, jýrnalıst Qaınar Oljaı, ónertanýshy, professor Saǵatbek Qalıev, stsenarıst Bekzat Myrzahmet qatysty.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT