+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Dollardyń qymbattaýyna munaı naryǵyna jasalǵan qysym sebep bolyp otyr - UB

2019 jylǵy 14 qazan 12:18
Bólisińiz:
Dollardyń qymbattaýyna munaı naryǵyna jasalǵan qysym sebep bolyp otyr - UB

NUR-SULTAN. QazAqparat – Ulttyq bank tóraǵasy Erbolat Dosaev AQSh dollarynyń qymbattaýyna munaı naryǵyna jasalǵan qysym sebep bolyp otyrǵanyn málim etti, dep habarlaıdy QazAqparat tilshisi.

«Qyrkúıekte ishki valıýta naryǵyndaǵy jaǵdaı munaı naryǵynyń qysymynda boldy. 16 qyrkúıekte munaıdyń 1 barreliniń baǵasy 69 dollarǵa kúrt ósti de, 2 qazanda 1 barreli - 57,7 dollarǵa deıin tómendedi. 10 qazanda munaıdyń 1 barreliniń quny 59,1 dollar boldy. Mine, sondyqtan, aıyrbastaý baǵamy qyrkúıektiń basy – 11 qazan aralyǵynda 1 dollar - 385,27–390,12 teńge sheginde ózgerdi. Álsireý bul kezeńde 0,5 paıyz boldy», - dedi Ulttyq bank tóraǵasy Úkimet otyrysynda.

Erbolat Dosaevtyń aıtýynsha, teńge baǵamy 1 dollar úshin 389,1 teńge bolyp, álsireý jyl basynan beri 1,4 paıyzǵa jetken.

«Ulttyq banktiń altyn valıýtalyq rezervteri 1 qazanda aldyn ala derekter boıynsha 28,8 mlrd dollardy quraǵan. Jyl basynan beri ol 6,8 paıyzǵa nemese 2,1 mlrd dollarǵa tómendedi. Qyrkúıekte altyn valıýta rezervteri 2,1 paıyzǵa ulǵaıdy. Oǵan Úkimettiń eýrooblıgatsııalardy shyǵarýdan shetel valıýtasynyń túsýi, bankterdiń Ulttyq banktegi salymdarynyń ósýi jáne altyndy satyp alýy sebep boldy», - dedi ol.

Eske sala ketsek, Ulttyq bank tóraǵasy búgingi Úkimet otyrysynda Qazaqstannyń qarjy naryǵyndaǵy jaǵdaı turaqty ekenin málim etken bolatyn.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT