+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Dırektorlar pedagogtarǵa jumys modelin burmalap jetkizedi - Sergeı Pen

2019 jylǵy 19 qyrkúıek 13:43
Bólisińiz:
Dırektorlar pedagogtarǵa jumys modelin burmalap jetkizedi - Sergeı Pen

NUR-SULTAN. QazAqparat – Muǵalim ata-anadan aqsha alýǵa qabiletti psıholog degen túsinik bar. QR Sybaılas jemqorlyqqa qarsy is-qımyl agenttiginde ótken brıfıngte «Adal bilim» jobalyq keńesiniń ákimshisi Sergeı Pen osyndaı pikir bildirdi.

«Bizge Lázzat Musanova esimdi muǵalim jalıýzıge aqsha jınaý boıynsha shaǵymdandy. Munyń jalpy sıpat alyp ketkenin bilemiz. Artynsha kóptegen óńirlerden muǵalimder shaǵymdanyp, keıbiri anonımdi túrde mundaı úrdistiń bar ekenin rastady. Bul, jergilikti atqarýshy organdardyń tikeleı jaýapty aımaǵy. Mektep ákimshiligi pedagogtarǵa jumys modelin burmalap jetkizedi. Ár muǵalim óz synybynda nemese pán kabınetinde úleısim men jınaqylyq, kórnekilik qalyptastyrýǵa mindetti degen túsinik tańylady. Eger oǵan aqsha jetpese basqa joldaryn oılastyrý kerektigi de aıtylady. Osy jerden stend ilý, perde alý, bólme gúlderin qoıý jumystary májbúrli jumysqa aınalady. Muǵalim degenimiz – tájirıbeli psıholog, ol ata-analardy aqsha jınaýǵa jumyldyra alady degen túsinik tańylady. Mundaıǵa jol berilmeýi kerek. Jergilikti atqarýshy organdar bul maqsattarǵa jetkilikti mólsherde qarajat bóledi. Shyǵynnyń barlyq baptary qarastyrylǵan. Tek tıisti baqylaý ornatý qajet. Biz muny mektep basshylaryna ǵana emes, pedagogtarǵa da qaratyp aıtamyz. Ondaı oqıǵalardy jaryqqa shyǵarýdan qoryqpańyzdar», - dedi sarapshy.

Ol aqsha jınaýǵa májbúrleý oqıǵalary týraly jasqanbaı habarlaýǵa shaqyrdy.

«Biz barlyq ata-analar men pedagogtardy aqsha jınaýmen birlesip kúresýge shaqyramyz», - dedi S.Pen.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT