+7 (701) 759 90 19
USD 377.19 EUR 408.99
RUB 5.93 CNY 54.02
Jańalyqtar

Dıplommen baratyn aýylyn jastar ózi tańdaı ala ma: Mınıstrliktiń jaýaby

2019 jylǵy 20 qyrkúıek 11:52
Bólisińiz:
Dıplommen baratyn aýylyn jastar ózi tańdaı ala ma: Mınıstrliktiń jaýaby

NUR-SULTAN. QazAqparat – QR Ulttyq ekonomıka mınıstrligi vedomstvonyń Facebook-tegi resmı paraqshasynda «Dıplommen aýylǵa» baǵdarlamasyna qatysty saýaldarǵa jaýap berip jatyr, dep habarlaıdy QazAqparat tilshisi.

Bes kúnniń ishinde ınternet-konferentsııaǵa jeli qoldanýshylarynan 360-tan astam saýal túsken. Ol suraqtardyń bárine QR Ulttyq ekonomıka vıtse-mınıstri Ermek Alpysov jaýap berip jatyr. Aqparattyq túsindirý sharasyna qaı óńirdiń jatary belsendi qatysyp jatqanyn mınıstrliktiń baspasóz hatshysy Shyńǵys Іlııasov aıtyp berdi.

«Konferentsııanyń qorytyndysy búgin shyǵady. Apta basynan beri 360-tan astam saýal tústi. Resmı paraqsha arqyly medıtsına, pedagogıka, mádenıet jáne aýyl sharýashylyǵy salasy boıynsha bilim beretin joǵary oqý oryndarynyń túlekteri men stýdentteri habarlasyp jatyr. Ásirese, Qostanaı, Aqtóbe, Qyzylorda, Taraz, Qaraǵandy, Oral, Túrkistan qalalarynda bilim alyp jatqan jastar belsendi qatysýda. Saýaldardyń mazmuny ártúrli. Sonyń ishinde «Dıplommen aýylǵa» baǵdarlamasy boıynsha barǵym kelgen aýyldy tańdaı alamyn ba?» degen saýal jıi qoıyldy. Árıne, tańdaı alady. Mysaly, túlek Túrkistan oblysynyń Qarasaı aýdanynyń bir aýylyna barǵysy keldi deıik. Áýeli Qarasaı aýdanyna barýy kerek. «Dıplommen aýylǵa» baǵdarlamasy boıynsha maman qabyldaıtyn komıssııa bar. Oǵan aýdan ákimi nemese orynbasary tóraǵalyq etedi. Sol komıssııaǵa qujattaryn ótkizip, tańdaǵan aýylyn kórsetýi tıis. Komıssııa kórsetilgen aýylǵa suranyp otyrǵan mamannyń qajettiligin qarap, qujattary talapqa qanshalyqty saı ekenin saraptaıdy. Eger aýylǵa qajetti mamandyq boıynsha bilim alǵan túlek bolsa, komıssııa oń sheshim shyǵaryp, jas mamandy qoldaýǵa qajet qarajattyń esebin túzedi. Osyndaı derekter búkil aýdandardan jınalyp oblysqa, oblystan bekitilip, Ulttyq ekonomıka mınıstrligine túsedi. Mınıstrlik sol qujattar boıynsha qajetti qarjyny bóledi. Saýal ıelerine osy maǵynada jaýap berilip jatyr», - deıdi mınıstrlik ókili.

Baspasóz hatshynyń aıtýyna qaraǵanda, Ulttyq ekonomıka mınıstrligi budan ári qaraı da jurtpen keri baılanysty nyǵaıta bermek.

«Paraqshaǵa pikir qaldyrmaı, jeke akkaýnt arqyly habarlama joldap jatqandar bar. Keshke deıin saýaldar sany 500-den asýy yqtımal. Vıtse-mınıstr saýaldarǵa múmkindiginshe qolma-qol jaýap berýde. Al zerdelep, naqtylaýdy talapt etetin saýaldar taqyrybyna qaraı toptalyp jatyr. Árbir saýal ıesi tolyqqandy jaýap alatyn bolady. Bul konferentsııanyń negizgi maqsaty – túlekter men stýdentterge aqparattyq kómek berý. QR Prezıdentiniń joldaýynda «Dıplommen aýylǵa» baǵdarlamasyna bólinetin qarjyny kóbeıtý tapsyrylǵan bolatyn. Internet konferentsııa sol tapsyrmany oryndaý maqsatynda uıymdastyryldy. Biraq halyqpen áleýmettik jeli arqyly keri baılanys ornatý bul sharamen shekteledi degen oı qalyptaspaýy kerek. Bizdiń paraqshaǵa túsken árbir saýal men usynysty ýaqtyly taldap, jaýap berip otyrý jaǵy jolǵa qoıylǵan», - deıdi Shyńǵys Іlııasov.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT