+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

«Dıplommen aýylǵa» jobasy boıynsha qansha qarajat bólinetini belgili boldy

2021 jylǵy 11 maýsym 13:20
Bólisińiz:
«Dıplommen aýylǵa» jobasy boıynsha qansha qarajat bólinetini belgili boldy

NUR-SULTAN. QazAqparat – Búgin Senattaǵy Qazaqstannyń agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasyn iske asyrý taqyrybyndaǵy Úkimet saǵatynda QR Ulttyq ekonomıka vıtse-mınıstri Álibek Qýantyrov «Dıplommen aýylǵa» jobasy boıynsha qansha qarajat bólinetinin aıtty, dep habarlaıdy QazAqparat tilshisi.

Uqsas jańalyqtar
Áleýmettanýshylar Qazaqstan damýyna mańyzdy úles qosty - Áshimbaev Senat tóraǵasy: Qazaqstandyqtardyń 86 paıyzy qazaq tilin biledi Senat tóraǵasy Slovakııanyń Syrtqy jáne Eýropa isteri mınıstrimen kezdesti

«Ulttyq ekonomıka mınıstrligi tarapynan aýyldyq jerlerdi damytýǵa baǵyttalǵan «Dıplommen aýylǵa» jáne «Aýyl el besigi» jobalary iske asyrylýda. «Dıplommen aýylǵa» jobasynyń basty maqsaty - densaýlyqty saqtaý, bilim berý, áleýmettik qamsyzdandyrý, mádenıet, sport jáne agroónerkásiptik keshen salasyndaǵy aýyldyq eldi mekenderde jumys isteý jáne turý úshin kelgen aýyldardyń, aýyldyq okrýgterdegi memlekettik qyzmetshilerdi áleýmettik qoldaý sharalaryn usyný arqyly dıplomdary bar mamandardy tirkeý jáne yntalandyrý. Joba aıasynda 100 AEK mólsherindegi bir rettik kóterme járdemaqy retinde áleýmettik qoldaý jáne turǵyn úıge 1500 AEK-ten aspaıtyn bıýdjettik nesıe túrindegi jańa qoldaý sharalary qarastyrylǵan», - dedi Álibek Qýantyrov.

Onyń aıtýynsha, jobany iske asyrý kezeńinde (2009 jyldan 2020 jylǵa deıin) 77 myńnan astam maman 19,5 mlrd teńge somasynda kóterme járdemaqy aldy, al 36 myńnan astam maman 105,3 mlrd teńge kóleminde turǵyn úı satyp alýǵa bıýdjettik nesıe aldy.

«2021 jylǵa 4,5 myń mamanǵa 20 mlrd teńgege turǵyn úı satyp alýǵa bıýdjettik nesıe berý jáne jalpy somasy 2,3 mlrd teńgege 8 myń mamanǵa kóterme járdemaqy berý josparlanǵan. Sonymen birge, 2021-2025 jyldar aralyǵynda «Nur Otan» partııasynyń saılaýaldy baǵdarlamasynyń jol kartasyn iske asyrý aıasynda jobany 110 mlrd teńge somasyna qarjylandyrý josparlanyp otyr», - dedi vıtse-mınıstr.

Budan buryn habarlanǵandaı, QR Parlamenti Senaty tóraǵasynyń orynbasary Nurlan Ábdirov agrarlyq kesheniniń damýyna keri áserin tıgizgen faktorlardy atady.

Óz kezeginde senator Dúısenǵazy Mýsın birqatar azyq-túlik ónimderi boıynsha ımportqa táýeldilik saqtalyp turǵanyn, onyń kólemi ótken jyly 4 mlrd AQSh dollarynan asqanyn aıtty.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT