+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Dıplommen aýylǵa: Bıyl 5 myńnan astam jas mamanǵa kóterme járdemaqy berildi

2019 jylǵy 7 tamyz 16:49
Bólisińiz:
Dıplommen aýylǵa: Bıyl 5 myńnan astam jas mamanǵa kóterme járdemaqy berildi

NUR-SULTAN. QazAqparat – «Dıplommen aýylǵa» baǵdarlamasy boıynsha 5 172 mamanǵa bir rettik kóterme járdemaqy berildi. Dál osyndaı járdemaqyny taǵy 2 myń jas maman alady, dep habarlaıdy QazAqparat tilshisi.

Uqsas jańalyqtar
«Dıplommen aýylǵa» baǵdarlamasyna memqyzmetshiler engizilýi tıis - depýtat Dıplommen aýylǵa: Jambylda 1600-den astam maman aýyldarda jumys istep jatyr Aqtóbede aýylǵa barǵan jas dárigerler 1,5 mln teńgeden aldy

Úkimettiń baspasóz ortalyǵynda baspasóz máslıhatyn ótkizgen Ulttyq ekonomıka vıtse-mınıstri Ermek Alpysovtyń aıtýynsha, qazirgi tańda Qazaqstanda 6454 aýyldy eldimeken bar. Mınıstrlik ázirlegen jańa ádisteme boıynsha iriktelip alynǵan 3 477 aýyldy eldi mekenniń 1 150-i tirek aýyl dep esepteledi. Sonymen qatar, tirek aýyldarǵa qaraıtyn aýyldardyń sany 2 327. 6 454 aýyldy eldimekende 6 mln 600 myń adam turady.

«Bilikti mamandardy aýylǵa tartý boıynsha Elbasynyń arnaıy 10 jyl buryn bergen tapsyrmasyna saı, «Dıplommen aýylǵa» baǵdarlamasy iske asyrylyp jatyr. Ózderińiz biletindeı, bul jobanyń maqsaty – áleýmettik turǵyda kómek kórsetý arqyly aýyldy jerlerde áleýmettik sala jáne agroónerkásip keshenindegi mamandardy yntalandyrý. Baǵdarlamaǵa densaýlyq saqtaý jáne bilim berý, áleýmettik qamsyzdandyrý, mádenıet, sport jáne agroónerkásiptik kesheninde jumys isteıtin dıplomy bar mamandar qatysady. Jalpy, kóterme járdemaqy – 100 AEK-ke teń», - dedi vıtse-mınıstr.

Ermek Alpysovtyń aıtýynsha, áleýmettik qoldaý sharalarynyń ishine turǵyn úı alý úshin beriletin bıýdjettik nesıe de bar. Onyń somasy 1 500 AEK-ke teń.

«Jalpy, 10 jyldyń ishinde 27,5 myń adam 70 mlrd teńgeniń bıýdjettik nesıesin aldy. Jyldan jylǵa nesıe alýshylardyń sany artyp barady. Ortasha eseppen maksımaldy túrde qarasaq – 1 500 AEK alǵan maman jalpy 15 jyldyń ishinde somanyń 6 paıyzyn ǵana tóleıdi», - dedi ol.

Vıtse-mınıstr óz baıandamasynda atap ótkendeı, «Dıplommen aýylǵa» baǵdarlamasy boıynsha 2019 jyly 7 176 maman bir rettik kóterme járdemaqy alady dep josparlanǵan. Osy maqsatta bıýdjetten 1 mlrd 300 mln teńge bólý kózdelipti. 1 shildedegi jaǵdaı boıynsha 5 172 maman 911 mln teńgeniń bir rettik kóterme járdemaqysyn alyp qoıǵan. Sol sekildi bıyl 3 908 mamanǵa turǵyn úı satyp alý úshin 14 mlrd 800 mln teńge kózdelgen. 1 maýsym boıynsha 2 527 maman qonys toıyn toılap úlgerdi.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT