«Dıplommen aýylǵa» barǵan mamandardyń 4 paıyzy kelisimdi buzǵan
2022 jylǵy 11 sáýir 11:20

«Dıplommen aýylǵa» barǵan mamandardyń 4 paıyzy kelisimdi buzǵan

NUR-SULTAN. QazAqparat – «Dıplommen aýylǵa» jobasyna qatysýshylardyń 96 paıyzy qoıylǵan mindettemelerdi adal oryndaıdy. Bul jaıynda QR Premer-Mınıstri Álıhan Smaıylovtyń Senat depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Dıplommen aýylǵa» jobasyn iske asyrýdyń tıimdiligin anyqtaý úshin 2010-2019 jyldary aýyldyq eldi mekenderde áleýmettik sala jáne AÓK mamandarynyń bekitilýine taldaý júrgizildi. Osylaısha, 31 myńnan astam maman bıýdjettik kredıt aldy. Onyń 4 paıyzy 3 jyldyq merzimdi óteý jónindegi kelisimniń sharttaryn buzdy» dep atap ótedi Úkimet basshysy jaýabynda.

Onyń aıtýynsha, Ulttyq ekonomıka, Qarjy mınıstrlikterimen jáne «Agrarlyq nesıe korporatsııasy» AQ tarapynan joba boıynsha bıýdjet qarajatyn ıgerý, shart jasasý, kredıt boıynsha josyqsyz tóleýshilerdiń tizimin usyna otyryp, kredıt bereshegin anyqtaý monıtorıngi turaqty júrgiziledi.

Júrgizilgen jumys qorytyndysy boıynsha qaıtarymdy qarajatty tıimdi arttyrý boıynsha is-sharalar qabyldanyp jatyr.

«Máselen, 2020 jyly aýyldyq eldi mekenderge jumys isteý jáne turý úshin kelgen densaýlyq saqtaý, bilim, áleýmettik qamsyzdandyrý, mádenıet, sport jáne agroónerkásiptik keshen salasyndaǵy mamandarǵa áleýmettik qoldaý sharalaryn usyný erejesine buryn berilgen kredıt boıynsha ótelmegen merzimi ótken bereshegi joq mamandarǵa, sondaı-aq sońǵy 2 jylda kúntizbelik 90 kúnnen astam merzimi ótpegen jaǵdaıda bıýdjettik kredıt túrinde áleýmettik qoldaý sharalaryn usyný bóliginde ózgerister engizildi. «Agrarlyq nesıe korporatsııasy» AQ aqparaty boıynsha jobany iske asyrý monıtorınginiń qorytyndysyn taldaý 2013 jyldan bastap bıýdjettik kredıt túrinde áleýmettik qoldaý alǵandardyń jalpy sanynyń 96 paıyzy qoıylǵan mindettemelerdi adal oryndaıtynyn kórsetti», dedi Álıhan Smaıylov.


Jańalyqtar

Úrdis

MURAǴAT