+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

«Dıplommen aýylǵa» baǵdarlamasynyń ıgiligin aýdandyq mańyzdaǵy qalaǵa baratyn jastar kóre me

2020 jylǵy 23 jeltoqsan 17:22
Bólisińiz:
«Dıplommen aýylǵa» baǵdarlamasynyń ıgiligin aýdandyq mańyzdaǵy qalaǵa baratyn jastar kóre me

NUR-SULTAN. QazAqparat – «Dıplommen aýylǵa» baǵdarlamasynyń ıgiligin aýdandyq qalaǵa baratyn jastar kóre me? Senatorlardyń osy suraǵyna Úkimet resmı túrde jaýap berdi, dep habarlaıdy QazAqparat tilshisi.

Uqsas jańalyqtar
Azyq-túlik ónimderiniń baǵasyn turaqtandyrýdyń mańyzy zor — Asqar Mamın 4 myńnan astam erekshe qajettiligi bar bala Ońaltý ortalyqtarynda kómek aldy Ózbekáli Jánibekovke Almaty men Túrkistanda eskertkish ornatylmaq

Aıta ketsek, buǵan deıin senatorlar «Dıplommen aýylǵa» baǵdarlamasynyń kemshin tustaryn alǵa tartyp, Premer-mınıstrdiń atyna depýtattyq saýal joldaǵan bolatyn. Olardyń aıtýynsha, jastardyń keıbiri aýdan ortalyqtaryna barǵanymen, ol eldimekender «qala» mártebesine ıe bolǵandyqtan, osy baǵdarlamanyń ıgiligin kóre almaı jatady. Sol sebepti depýtattar Úkimetten monoqalalar men shaǵyn qalalarǵa baratyn jastardy qoldaýdy suraǵan edi.

Bul suraqqa jaýap bergen Úkimet basshysy aýdandyq mańyzy bar qalalarǵa keletin mamandarǵa «Dıplommen aýylǵa» baǵdarlamasynyń áleýmettik qoldaý sharalaryn usynýdyń da kemshiligi baryn aıtady. Máselen, munyń saldary aýyldy jerden mamandardyń ketýine, kadrlar tapshylyǵynyń odan ári ulǵaıýyna, sondaı-aq bıýdjet shyǵyndarynyń aıtarlyqtaı ósýine ákelýi yqtımal.

Asqar Mamın sondaı-aq bıyldan bastap jobaǵa aýyldyq (kenttik) okrýg ákimdikteriniń apparattarynda jumys isteıtin memlekettik qyzmetshiler engizilgenin, bul tıisinshe memlekettik bıýdjettiń shyǵys bóligin ulǵaıtqanyn jetkizdi.

«Bul rette qoldanystaǵy zańnamaǵa sáıkes, jergilikti atqarýshy organdar qalalarda jumys isteıtin keıbir mamandarǵa jergilikti bıýdjet qarajaty esebinen áleýmettik qoldaý sharalaryn kórsete alady. Mysaly, «Halyq densaýlyǵy jáne densaýlyq saqtaý júıesi týraly» kodeksine sáıkes oblystardyń, respýblıkalyq mańyzy bar qalalardyń jáne astananyń jergilikti ókildi organdary aýyldy jáne qalalyq eldimekenderge jumys isteý úshin jiberilgen medıtsına jáne farmatsevtıka qyzmetkerlerin áleýmettik qoldaý sharalarynyń júıesin aıqyndaıdy. Sondaı-aq áleýmettik qoldaý sharalaryn usyný, osy saladaǵy jas mamandardy ustap qalý jáne jumyspen óteý monıtorıngin júzege asyrady. Kodekstiń 272-babynyń 1-tarmaǵyna sáıkes, áleýmettik qoldaý sharalaryna turǵyn úı berý, járdemaqy tóleý, kommýnaldyq shyǵystardy óteý jáne ózge de sharalar jatady», - deıdi Asqar Mamın.

Úkimet basshysy sondaı-aq Prezıdenttiń tapsyrmasyna sáıkes, Úkimet aýyldy aýmaqtar men shaǵyn qalalar boıynsha ulttyq jobany pysyqtap jatqanyn aıtyp ótti.

«Ulttyq jobada áleýmettik jáne ınjenerlik ınfraqurylymdy keshendi jańǵyrtý, shaǵyn nesıe berýdi qosa alǵanda, kásipkerlikti memlekettik qoldaý, qala quraýshy kásiporyndardy qoldaý, shaǵyn qalalardaǵy turǵyn úı qurylysy, nátıjeli jumyspen qamtýdy qoldaý jáne shaǵyn qalalarǵa qonys aýdarýǵa járdemdesý jáne basqa da is-sharalar kózdeledi. Kórsetilgen sharalar ekonomıkanyń jańa sektorlaryn damytýǵa, shaǵyn qalalardan halyqtyń kóshi-qon aǵynyn azaıtýǵa, shaǵyn qalalar halqynyń ómir súrý sapasy men ál-aýqaty deńgeıiniń ósýine yqpal etedi. Sondaı-aq atalǵan keshendi sharalar osy eldimekenderdiń kadrlyq áleýetin kúsheıtýge de múmkindik beredi. Osynyń negizinde aýdandyq mańyzy bar qalalarǵa jumys isteý jáne turý úshin keletin mamandar úshin áleýmettik qoldaý sharalaryn usyný máselesi ulttyq jobany pysyqtaý barysynda qaralady», - dedi ol.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT