+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Dinmuhamed Qonaevqa arnalǵan bilim baıqaýy máresine jetti

2021 jylǵy 16 maýsym 03:37
Bólisińiz:
Dinmuhamed Qonaevqa arnalǵan bilim baıqaýy máresine jetti

TALDYQORǴAN. QazAqparat – Almaty oblysynda asa kórnekti memleket jáne qoǵam qaıratkeri, tehnıka ǵylymdarynyń doktory Dinmuhamed Qonaevtyń ómiri men eńbekterin dáripteýge arnalǵan onlaın-baıqaý ótti, dep habarlaıdy QazAqparat tilshisi.

«Adaldyq pen izgilik joly» taqyrybyna arnalǵan bilimdiler dodasy 4-28 mamyr aralyǵynda ótti.

Negizgi maqsaty – uly tulǵa Dinmuhamed Qonaevtyń ómiri men eńbekterin jas urpaqqa tanystyrý, sonymen birge pedagogtar arasynda ǵylymı-izdenis jumystaryn júrgizý, oqýshylardy jazba jumystaryna baýlý arqyly zııatkerlik jáne shyǵarmashylyq qabiletti damytý.

Bilim básekesine oqýshylardan – 63, ustazdar qaýymynan 18 ótinim qabyldanǵan. Oqýshylar D. Qonaevtyń ómiri men eńbekteri týraly esse jumystaryn jazsa, pedagogtar ǵylymı jobalaryn qorǵady. Aıta keteıik, baıqaýǵa 8-10 synyp oqýshylarynyń 27 jumysy iriktelip alynsa, ustazdar arasynda 7 ǵylymı joba synnan súrinbedi.

«Shırek ǵasyr el basqarǵan kemel adamnyń ótkeni men artynda qalǵan dara jolyn óskeleń urpaq bilýi tıis. Búgin máresine jetken dodanyń nysanaǵa alǵany da osy edi. Sondyqtan, saıys Qonaev atyndaǵy Halyqaralyq qorynyń demeýshilik qoldaýymen uıymdastyryldy. Atalǵan sharaǵa aýdandyq, qalalyq jáne oblystyq mamandandyrylǵan bilim berý uıymdarynyń oqýshylary men pedagogtary qatysty. Kelip túsken shyǵarmalar men jobalardy Qazaq ulttyq ýnıversıtetiniń ustazdary men BAQ salasynda eńbegi sińgen tulǵalar sarapqa saldy»,- deıdi Dinmuhamed Qonaev atyndaǵy Halyqaralyq qordyń resmı ókili Baqtyǵalı Saqymqojauly.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT