Dinı ekstremızmniń qaýpi komıks arqyly túsindiriledi
2021 jylǵy 9 jeltoqsan 10:10

Dinı ekstremızmniń qaýpi komıks arqyly túsindiriledi

NUR-SULTAN. QazAqparat - Dinı ekstremızm men terrorızmniń aldyn alýǵa baǵyttalǵan alǵashqy qazaqstandyq komıks ázirlendi, dep habarlaıdy QazAqparat.

Aqparat jáne qoǵamdyq damý mınıstrliginiń tapsyrysy boıynsha daıyndalǵan «MEIRMAN» atty komıkste «Jýsan» gýmanıtarlyq-operatsııasy aıasynda elge oralǵan azamattardyń ómiri arqyly dinı radıkaldy ıdeologııanyń qaýpi túsindiriledi.

Ekstremızmge qarsy kúres messedjderin óskeleń urpaqqa jetkizý maqsatynda komıks formaty kezdeısoq tańdalǵan joq, sebebi ekstremızmge tózbeýdi mektep qabyrǵasynan bastap damytý qajet.

Dinı ekstremızmniń aldyn alý kontentterin ázirleý kezinde mınıstrlik aýdıtorııanyń suranysyn eskere otyryp, jastar arasyndaǵy trendterdi paıdalaný arqyly oqyrmandarǵa jol tabýda.

Komıkste Meıirman esimdi balanyń Sırııadaǵy terrorıstik belsendilik aımaǵynda basynan ótkizgen qıyndyqtary týraly baıandalady.

Meıirman óziniń tabandylyǵy men myqty rýhynyń arqasynda qıyndyqtar men kedergilerdi jeńe bilip, otbasymen qaýyshyp, týǵan eline oralady.

Týǵan jerinde erjetip, bedeldi azamatqa aınalady.

Bas keıipker Qazaqstannyń táýelsizdik jyldary qol jetkizgen jetistikteri, sonyń ishinde beıbitshilik pen turaqtylyqtyń qundylyǵyn atap kórsetedi.

«MEIRMAN» komıksimen TikTok jáne Instagram áleýmettik jelilerinde, sondaı-aq ınternet-portaldarda tanysýǵa bolady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT