+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

Dinı birlik bolmaıynsha, ulttyq birlik bolmaıdy

2019 jylǵy 23 qyrkúıek 17:22
Bólisińiz:
Dinı birlik bolmaıynsha, ulttyq birlik bolmaıdy

ALMATY. QazAqparat - Táýelsizdik alǵan 28 jyldyń ishindegi eń iri jeńisimiz ben úlken jetistikterimizdiń biri, bizdiń shyqqan bıigimiz – ol elimizde dinı nanym-senim bostandyǵynyń, dinı erkindiktiń tolyq bekýi, onyń ishinde Islam - ata dinimizdiń órkendeýi, halyqtyń ateıstik ómirden keıin óz dinimen qaıta erkin qaýyshýy desem, artyq aıtqandyq bolmas.

Uqsas jańalyqtar
Jambylda bes jylda 700-den asa azamat radıkaldy dinı kózqarastan bas tartqan Qazirgi tańdaǵy eń úlken jıhad - bilimsizdikpen kúres Qazaqstandyq býkmekerler «Oıyn bıznesi týraly» zańnyń ózgeristerine qarsy shyqty

Dinder únqatysýyn qamtamasyz etý, dinı tózimdilikti nyǵaıtý – Qazaqstannyń ishki jáne syrtqy saıasatynyń sheshýshi basymdyqtarynyń biri bolyp otyr. Úlken dinı forýmdardyń bizde ótýi – elimizge degen qurmet pen zor senim. Búginde sol senimdi tolyq aqtaı alamyz degen úmit bar. Elordamyz Nur-Sultan dúnıejúzindegi barlyq dinder ókilderiniń basyn qosyp, ortaq mámilege shaqyratyn rýhanı ortalyqqa aınaldy. Halyqaralyq qatynastar tarıhynda Nur-Sultan sezderine búkil álem kóz tigip, onyń beıbitshil baǵyty men tatýlastyrǵysh áleýetine úlken mán berip otyrǵanynyń aıǵaǵy retinde, bul altynshy basqosýǵa tilek bildirgen iri dinı birlestikter sanynyń kúrt ósýin aıtýymyz kerek.

Mundaı basqosý álemniń túrli memleketterinde ótkenimen, Qazaqstan sezi Elbasymyz Nursultan Ábishuly Nazarbaevtyń bastamasymen jáne tikeleı qoldaýymen ótetindigimen erekshelenedi. Negizgi sıpaty dinı kóshbasshylar jıyny bolyp sanalatyn bul forým shyn mánisinde ǵalamdyq únqatysýǵa jol ashatyn iri basqosý.

Elordada 2003 jyldan beri alty ret álemniń san túrli din basshylarynyń basyn qosyp, bir-birimen qol alysýǵa talpyndyrýǵa múmkindik bergen Elbasymyzdyń ıdeıasy álemdik qoǵamdastyq tarapynan qyzý qoldaý taýyp, joǵary baǵalanýda. Ótken sezderge qatysqan Úndistannyń kórnekti qoǵam qaıratkeri Sh.Somaııa Qazaqstannyń Tuńǵysh Prezıdentiniń bastamasyna rızashylyǵyn bildire otyryp,

«N.Nazarbaev – kópkonfessııaly elde beıbitshilik pen kelisimdi úılestire bilgen erekshe lıder. Bizdiń onyń isterinen úırenerimiz kóp» dep aıtqan bolatyn.

Búginde eń aldymen biz dinı birlikti óz deńgeıinde ustaýymyz shart. Óıtkeni, dinı birlik bolmaıynsha ulttyq birlik bolmaıdy. Mádenıetsiz, bilimsiz, ǵylymsyz qoǵam bolmaıtyny sııaqty, dinsiz de órkenıetti qoǵam bolmaıdy. Dińdi óz paıdasyna jaratqysy keletinder men ekstremıstik nıettegi dinı aǵymdar paıda bola bastaǵan kezde, dinaralyq tatýlyqty saqtaý - basty maqsatymyz bolýy kerek dep oılaımyn. Jastarǵa arnalǵan rýhanı tanymdyq tárbıe jáne teris pıǵyldy dinı aǵymdarga jol bermeý sharalary tek Dinı basqarmanyń emes, búkil qoǵamnyń jumysy bolýy tıis.

Dinbasshylarynyń Nur-Sultandaǵy kezekti basqosýy qazirgi dúnıejúzilik saıası ahýalǵa, halyqtar dostyǵy men dinderaralyq birlesýge ıgi yqpalyn tıgizdi. Álemdik jáne dástúrli dinder kóshbasshylary sezderiniń bizde ótýi Qazaq eli úshin úlken mártebe, kópultty Qazaqstandaǵy beıbit ómirge, elimizdegi dinı senim bostandyǵyna berilgen joǵary baǵa.

Keń baıtaq Qazaq eli qazirgi tańda kúlli álemge óziniń dinaralyq kelisim men ultaralyq tatýlyqtyń altyn ordasy ekendigin pash etip otyr. Qazaqstan búginde Elbasy N.Nazarbaevtyń basshylyǵymen satylap damyp kele jatqan, ekonomıkasy ilgerilengen, demokratııalyq damý jolyna túsken, Ortalyq Azııada kóshbasshy, halyqaralyq qoǵamdastyqta bedeldi ári qurmetti áriptes dep tanylǵan memleketke aınaldy. Táýelsizdik alǵannan bergi eń iri jeńisimiz ben úlken jetistikterimizdiń biri – elimizde dinı nanym-senim bostandyǵynyń tolyq bekýi, sonyń ishinde ıslam dininiń órkendeýi, dinimizben qaıta qaýyshýymyz desek, artyq aıtqandyq bolmas. Egemen Qazaqstannyń ulttyq ıdeologııasyn qalyptastyrýda ata-babalarymyz salǵan sara jol men ımandylyqtyń jańa arnalary jemisti jalǵasyn taýyp keledi.

Mıras Qonysbekuly ál-Farabı atyndaǵy QazUÝ aǵa oqytýshysy
Bizdiń kanalymyzǵa jazylyńyz:

Basty sózder: Almaty, Din, Qoǵam,
Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT