+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Dımashtyń taǵy bir áni tsıfrlyq platformaǵa shyqty

2021 jylǵy 2 sáýir 21:46
Bólisińiz:
Dımashtyń taǵy bir áni tsıfrlyq platformaǵa shyqty

NUR-SULTAN. QazAqparat- Áıgili otandasymyz Dımash Qudaıbergenniń «Be With Me» atty jańa áni búgin tsıfrlyq platformalarǵa shyqty, dep habarlaıdy QazAqparat.

Uqsas jańalyqtar
Elordada «Jas sarbaz» qozǵalysynyń tárbıelenýshileri ALJIR tutqyndaryn eske aldy Qazaqkontsert ártisteri Dýshanbede óner kórsetti Balqashta «Saryarqanyń kóshpeli mádenıeti» festıvali ótti

Jańa trektiń kópshilikke qoljetimdi bolatynyn ánshiniń ózi birneshe kún buryn Instagram paraqshasynda jarııalaǵan bolatyn.

«Qurmetti dostar, jaqyn arada, naqtyraq aıtqanda 2 sáýirde, barlyq tsıfrlyq platformalarda ornalasqan Dimash Qudaibergen atty resmı akkaýnttan meniń «Dimash Digital Show» alǵashqy onlaın-kontsertimde oryndalǵan «Be With Me» atty ánimdi tyńdaı alasyzdar», - deı kelip, óz jankúıerlerine alǵys bildirgen.

Dimashnews portalynyń jazýynsha, «Be With Me» ánin Dımashtyń ózi árlegen. Áýeli demonusqasyn nobaılap, keıin oǵan Qurmanǵazy atyndaǵy Qazaq memlekettik halyq aspaptary orkestriniń bas dırıjeri Abylaı Tilepbergenov oınaǵan dombyra partııasyn qosqyzǵan. Dımash ánderiniń turaqty óńdeýshisi, saýnd-prodıýser Erlan Bekshýrın demojazbanyń mánerin ózgertip, bastapqy qurylymy men bas áýenin saqtaı otyryp, qosymsha yrǵaqtar qosypty. Osydan keıin ol Ádiljan Tolyqpaevty shaqyryp, dombyra partııasyn qaıta jazyp shyqqan. Bul tandemge kompozıtor Renat Gaısın qosylyp, klavınet pen úrmeli aspaptar partııasyn kirgizgen. Máskeýlik mýzykant Marsel Hakımov bas partııasyn qaıta jazyp shyǵady.

Dımashtyń daýysyn dybys rejısseri Dastan Merǵalıev jazǵan. Al aqtyq jazba kezinde Dımashqa BEK-vokalıster Rasýl Ýsmanov, Djordan Arakelıan, Zarına Bojakova qosylǵan.

Osynsha eńbektiń bárin Erlan Bekshýrın DimashAli stýdııasynda «pisirip», tolyqqandy trekke aınaldyrdy.

Saýnd-prodıýserdiń aıtýynsha, án mátinin Djordan Arakelıan men Dáýren Shamuratov jazǵan. Djordan negizgi aǵylshynsha mátinde jazsa, Dáýren qazaqsha rep mátinin shyǵardy.

«Be With Me» áni alǵash ret 2021 jylǵy 17 qańtarda amerıkandyq TIXR strımıng platformasyndaǵy «Dimash Digital Show» onlaın-kontsertinde shyrqalǵan edi.

Dimash DIGITAL SHOW Dımashtyń koronavırýstyq pandemııa bastalǵannan bergi alǵashqy jahandyq qoıylymy boldy.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT