+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Dımashtyń Nıý-Iorktegi kontserti anshlagpen ótti

2019 jylǵy 11 jeltoqsan 11:34
Bólisińiz:
Dımashtyń Nıý-Iorktegi kontserti anshlagpen ótti

NUR-SULTAN. QazAqparat – Dımash Qudaıbergenniń Nıý-Iorktegi kontserti úlken anshlagpen ótti. Barslays center arenasy qazaq ánshisin súıip tyńdaıtyn jurtshylyqqa lyq toly boldy, dep habarlaıdy QazAqparat dimashnews.com saıtyna silteme jasap.

Jınalǵan jurtshylyq ánshiniń ár nómirin zor súıispenshilikpen qarsy aldy. Dımashtyń árbir áni tolyqqandy shoýǵa aınaldy. Onyń repertýarynda túrli tildegi ánder bolǵanymen, tyńdarmandy qazaq tilinde shyrqalǵan kompozıtsııalar tebirentip, Dımashpen birge qosa oryndady. Jankúıerlerdiń basym bóligi D. Qudaıbergenniń ánderin jatqa biledi. Olar qazaq tilindegi án mátinin túsiný úshin óz tilderine aýdaryp tipti, qazaq tilin úırenip te júr.

Dımash «Daıdıdaý» ánin oryndaǵan sátte kórermen oryndarynan turyp, birge shyrqady. Kózderine jas alǵandardyń da qatary mol boldy.

«Kishkentaı kezinen «Daıdıdaý» ánin búkil álem ózimen birge aıtqanyn armandaǵan Dımashtyń armany oryndaldy. Nıý-Iorktiń Barslays center arenasyna álemniń túkpir-túkpirinen jınalǵan adamdar qazaq ánin birge shyrqady», - delingen aqparatta.

Sondaı-aq jas talant árbir ánin oryndaǵan saıyn: «Meniń otanym – Qazaqstan!», - deı kele, jınalǵan jurtshylyqty elimizge kelýge shaqyrdy.

Dımash pen mýzykanttar oryndaǵan «Adaı» kúıi de jankúıerlerdi tánti etti. Al kontsert sońynda «Elim meniń» áni oryndaldy. Alyp ekrannan Qazaqstan Týy jelbirep, qazaq jeriniń kóz tartarlyq tumsa tabıǵaty Nıý-Iorktiń Barslays center arenasyna jınalǵandardy tamsantty. Jalpy D. Qudaıbergen oryndaǵan bul án qazaq dalasynyń, qazaq jeriniń naǵyz ánuranyna aınaldy desek te bolady.

Eske salaıyq, D.Qudaıbergenniń 10 jeltoqsanda Nıý-Iorkte ótken jeke kontsertine álemniń 51 elinen jankúıerler jınaldy. Olar ánshini Djon Kennedı atyndaǵy halyqaralyq áýejaıdan Qazaqstannyń Týymen qarsy alǵan bolatyn.

Gremmı syılyǵynyń ıegeri, perýlik ataqty ánshi Eva Aılan Dımash Qudaıbergendi kórý úshin óz kontsertin keıinge shegerip, Nıý-Iorkke ushyp keldi.

Kontsert Qazaqstannyń AQSh-taǵy mádenıet kúnderi aıasynda jáne QR Mádenıet jáne sport mınıstrliginiń qoldaýymen uıymdastyryldy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT