+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Dımashtyń «Be With Me» beınebaıany jaryqqa shyqty

2021 jylǵy 1 mamyr 15:42
Bólisińiz:
Dımashtyń «Be With Me» beınebaıany jaryqqa shyqty

NUR-SULTAN. QazAqparat - Dımash Qudaıbergenniń YouTube kanalynda «Be With Me» mýzykalyq beınebaıanynyń premerasy ótti. Qyzyqty sıýjet ánshiniń jańa qyryn kórsetti, dep habarlaıdy dimashnews.com.

Ekshn janryndaǵy naǵyz shaǵyn fılm sekildi beınebaıan Almatyda túsirilgen. Túsirilim bastalar aldynda ýkraınalyq rejısser Radıslav Lýkın daıyndyq jumystarymen aınalysý úshin Qazaqstanǵa ushyp keldi.

Dımashpen birge beınebaıan túsirý ıdeıasy burynyraq, «ARNAU» kontserttik týryna promo-beıne túsirý kezinde paıda boldy. Ártis Radıslavqa «Be With Me» jańa tregin jibergen kezde, rejısser ánshiniń ishki álemin, energııasy men oıynyń aýqymyn túsine otyryp, is júzinde birden bolashaq rolıktiń tujyrymdamasyn oılap tapty.

– Dımash – ánderde ǵana emes, beınebaıandarda da óziniń ishki energııasyn beretin ártis. Mysaly, kontsertter men túsirilimder týraly aıtatyn bolsaq, Dımash shyǵarmashylyǵynyń barlyq jankúıerleri onyń stadıon tóbesiniń astynda ushýdy, qandaı da bir qaýipti trıýkterdi oryndaýdy unatatynyn biledi. Sondyqtan ekshn men tóbeles kórinisteri bolatyn janrlyq kıno sııaqty túsirý ıdeıasy paıda boldy. Sondaı-aq, Dımashtyń akterlik sheberligi óte jaqsy damyǵanyn jáne ol ár túrli obrazdarǵa ene alatyndyǵyn atap ótken jón. Sondyqtan osy beınebaıanda men ártisti kórermender úshin múlde basqa qyrynan jańa rólde kórsetkim keldi, – dep bólisti Radıslav Lýkın.

Beıneniń sıýjeti kóptegen kórinisterdi tuspaldaıdy. Beınebaıan jelisin barynsha áserli qurý úshin túsirilim toby kóptegen oryndardy qaıta qarastyryp, olardyń ishinen Almatynyń ártúrli jaqtaryndaǵy birneshe oryn tańdaldy.

Qoıýshy-operator Azamat Dýlatov Dımash úshin túsirgen barlyq beınebaıandardyń ishindegi eń qıyny osy bolǵanyn aıtty. Komandanyń ár múshesi óte muqııat tańdaldy.

– Beınebaıannyń túsirilimimen qatar Dımash mýzykamen belsendi aınalysýdy jalǵastyrdy. ıAǵnı, ol túnde stýdııada jańa materıal jazyp, sodan keıin demalmaı, tóbeleske arnalǵan jattyǵýlarǵa baratyn. Ol osy jattyǵýlarda óte kóp kúsh jumsaǵandyqtan, biz ekshn kórinisterin tek 2-3 dýbl ǵana túsirdik», – dedi Radıslav.

Beınebaıannyń trıýkterin qazaqstandyq, sondaı-aq sheteldiń kóptegen tanymal kınokartınalarymen jumys istegen Kazakh union kaskaderlik toby qoıdy. Olar — «Neýderjımye 2», «Dnevnoı dozor», «Kóshpendiler», «Reketır» jáne taǵy da basqa kınokartınalarǵa qatysqan qas mamandar.

Kaskaderlik toptyń jetekshisi Baýyrjan Ábishev ekshn-kórinisteriniń jumysynan alǵan áserlerimen bólisti.

«Qıyn boldy dep aıta almaımyn, óıtkeni meniń osyndaı kórinisterge arnalǵan trıýkterdi jasaýda úlken tájirıbem bar. Dımash sportqa daǵdylanǵan jigit, qoıylǵan mindetterdi tez meńgerdi, sondyqtan úsh-tórt kún ishinde biz qalaǵanymyzǵa qol jetkizdik. Beınebaıanda jumys istegennen kóp áser aldym. Men kórermenderdiń pikirlerin asyǵa kútemin», – dedi ol.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT