+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

Dımashtyń 5 eldegi fanattary «Daıdıdaýdy» oryndap, vıdeo jarııalady

2020 jylǵy 29 mamyr 12:25
Bólisińiz:
Dımashtyń 5 eldegi fanattary «Daıdıdaýdy» oryndap, vıdeo jarııalady

NUR-SULTAN. QazAqparat – Dımash Qudaıbergenniń 5 eldegi fanattary «Daıdıdaý» ánin oryndap, vıdeo jarııalady, dep habarlaıdy QazAqparat dimashnews saıtyna silteme jasap.

Uqsas jańalyqtar

Vıdeo AQSh-taǵy fan-klýbtyń YouTube-kanalynda jarııalandy.

Bıylǵy naýryz aıynyń basynda «Dimash USA FC» atalatyn amerıkalyq fan-klýbta Dımashtyń týǵan kúnine oraı quttyqtaý vıdeorolık túsirý ıdeıasy týyndaǵan.

Dımash oryndaǵan ándi onyń ana tilinde hormen shyrqaý usynylady. Fanattar «Daıdıdaý» ánine toqtaıdy. Sebebi onyń Nıý-Iorktegi kontsertinde bolǵan amerıkalyq fanattar úshin bul ánniń mańyzy zor.

Osylaısha, fan-klýb ákimshisi «FaceTime» arqyly vıdeoqońyraý stılinde vıdeo jazyp, óz ıdeıalary týraly aıtqan. Ózge fanattar da qoldaıdy degen senimmen ony fan-klýbtyń Facebook-tegi resmı akkaýntyna ornalastyrǵan. Qulaqqap kıip, Dımashtyń «Daıdıdaý» ánin ýnıson oryndaý qajettigi aıtylady. Biraq vıdeoda tek olardyń ǵana daýysy estilýi tıis boldy.

Vıdeolar jınalǵan soń, fan-klýb ákimshisi olardy tutas bir rolıkke biriktirgen.

Amerıkalyq fanattardyń aıtýynsha, qazaq tilinde án aıtý ońaıǵa soqpaǵan. Biraq qyzyq bolǵan. Translıteratsııanyń kómegi de tıgen. Birqatar jankúıer bekvokal jazyp, ándi odan ári árleı túsken.

«Jalpy alǵanda, horǵa AQSh-tyń 7 shtaty men tórt memleketten (Nıderlandy, Kanada, Kolýmbııa, Úndistan) 21 adam qatysty.

Sonymen birge, AQSh-tyń 21 shtatynan jáne tórt elden (Argentına, Brazılııa, Kanada, Nıderlandy) 102 fanattyń quttyqtaý lebizderi vıdeoǵa jazyp alyndy», - delingen saıtta.

Eske sala ketsek, 24 mamyrda Dımash 26 jasqa toldy. Álemniń birneshe elindegi jankúıerler oǵan túrli quttyqtaýlar joldady.

Al qytaılyq fanattar ánshiniń qurmetine shól dalaǵa 3 myń aǵash otyrǵyzdy.

Sonymen birge, Dımash Instagram paraqshasynda jankúıerlerimen qaýyshyp, olardyń suraqtaryna jaýap berdi.

Budan bólek, onyń týǵan kúni qurmetine Dimash Manga (Manga D’R’S’) jańa resmı joba tanystyryldy. Manga D’R’S’ — bul erekshe jáne qyzyqty sıýjeti bar japon komıksteri (manga) janryndaǵy shyǵarmalar tsıkli. Komıksti álemniń 7 tilinde elektrondy nemese baspa túrinde arnaıy saıttan satyp alýǵa bolady. Oqıǵa jelisi 2019 jyldyń 10 jeltoqsanynda Dımashtyń Nıý-Iorktegi kontsertinen bastaý alady. Manga D’R’S’ shamamen 1 shildede satylymǵa shyǵa bastaıdy.

Al Estonııanyń Tallın qalasyndaǵy tarıhı saıabaqta ánshiniń qurmetine kóshet otyrǵyzylyp, janyna estelik belgi qoıyldy.





Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT