+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Dımashty Belarýs áýejaıynan 6 elden kelgen jankúıerleri kútip aldy

2021 jylǵy 14 shilde 20:33
Bólisińiz:
Dımashty Belarýs áýejaıynan 6 elden kelgen jankúıerleri kútip aldy

NUR-SULTAN. QazAqparat - 14 shildede Dımash Qudaıbergen Belarýske ushyp keldi. Onda «Slavıan bazary» óner festıvali ótedi. Bul týraly QazAqparat dimashnews.com saıtyna silteme jasap habarlaıdy.

Ártis jankúıerlermen bolǵan kópten kútken kezdesýden alǵan áserimen bólisti.

Kezdesý kezinde atmosfera óte jyly jáne jarqyn boldy: Dımashtyń da, onyń shyǵarmashylyǵynyń da jankúıerleri koronavırýstyq ınfektsııanyń pandemııasyna baılanysty bir-birin óte saǵynǵandaryn kórýge bolady.

«Mınsk» ulttyq áýejaıynda Dımashty Belarýs jankúıerleri qarsy aldy, olar ony 2015 jyldan beri qoldap keledi, sol kezde ártis «Slavıan bazarynda» Gran-prı jeńip alǵan bolatyn, bul onyń shyǵarmashylyq mansabynda úlken ról atqardy.


Belorýstardan basqa, Dımashty Qazaqstan, Reseı, Bolgarııa jáne Shvetsııa, Shveıtsarııa Dears-i qarsy aldy.

«Bul tańqalarlyq kezdesý boldy. Dımash Belarýs týraly jyly lebizin bildirip, bul – onyń shyǵarmashylyq otany ekenin aıtatyn. Biz súıikti ártisimizdi osynda qaıta qarsy alǵanymyzǵa óte qýanyshtymyz», – dep bólisti DimashDearsBelarus fan-klýbynyń qatysýshylary.

Ánshiniń ózi de Dears-pen bolǵan kópten kútken kezdesýdegi qýanyshyn jasyrmaıdy:

«Men Belarýske qaıta oralǵanyma óte qýanyshtymyn! Qazir Dears-pen kezdesýler óte sırek bolǵandyqtan, olardyń árqaısysy qazyna sııaqty. Túngi reıske qaramastan, Dears-ti kórgennen keıin men qaıtadan qýattandym. Qazir festıvaldiń bastalýyn asyǵa kútýdemin. Barlyǵy jaqsy áser alady dep jáne bul «Slavıan bazary» árkimniń júreginde uzaq ýaqyt qalady degen úmittemin!», - dedi Dımash.

Jankúıerlerdiń ánshige bergen músinshesi jaǵymdy tosynsyı boldy. Ár túrli jaǵynda «Dimash», «Dears» jáne «We’re one» sózderi jazylǵan.

Erteń, 15 shilde kúni Vıtebskide Dımashtyń qatysýymen baspasóz konferentsııasy ótedi, al sol kúni saǵat 20:30-da «Vıtebskidegi Slavıan bazary» XXX halyqaralyq óner festıvaliniń saltanatty ashylýy bastalady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT