+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Dımash Qudaıbergenniń esimi Marsqa jetti

2021 jylǵy 19 aqpan 22:21
Bólisińiz:
Dımash Qudaıbergenniń esimi Marsqa jetti

NUR-SULTAN. QazAqparat - 18 aqpanda Perseverance atty jańa rover Mars betine qondy. Ǵylymı jabdyqtarmen qatar, ol Qyzyl planetaǵa mıllıondaǵan adamnyń esimderin jetkizdi. Olardyń arasynda Dımash Qudaıbergenniń esimi de bar, dep habarlaıdy QazAqparat dimashnews.com saıtyna silteme jasap.

Uqsas jańalyqtar
SpaceX mıssııasy aıasynda tórt týrıst mingen «Dragon» orbıtaǵa ushyryldy

Perseverance roveri 2020 jyldyń 30 shildesinde alys saparǵa attanyp, jeti aıǵa jýyq ýaqyttan keıin Qyzyl planetaǵa sátti qondy.

Fox News–ke silteme jasap Ruherald.com saıtynyń jazýynsha, Perseverance – tehnologııalyq jaǵynan eń damyǵan robot jáne ony Marsqa NASA jiberip otyr.

2,7 mıllıard dollar turatyn robot bir marstyq kún ishinde ortasha eseppen 200 metrdi baǵyndyryp otyrady. Ol uzyndyǵy shamamen 2 metr manıpýlıator qolymen, burǵylaýmen jáne ǵylymı qurylǵylarmen jabdyqtalǵan. Onyń ishinde joǵary tehnologııaly túsirilim kamerasy, aýa raıyn ólsheýge jáne shańdy baqylaýǵa arnalǵan sensorlar, rentgen júıesi jáne taý jynystarynyń hımııalyq quramyn ólsheýge arnalǵan kamera júıesi bar.

Sondaı-aq, Perseverance Marsqa koronavırýs ınfektsııasymen kúresip jatqan dárigerlerdiń qurmetine jasalǵan eskertkish taqtany, sondaı-aq NASA-nyń «Marsqa óz esimińdi jiber» aktsııasyna qatysqan 11 mıllıonǵa jýyq adamnyń aty jazylǵan tyrnaq kólemindegi 3 kremnıı chıpin jetkizdi.

AQSh, Túrkııa, Reseıdi qosa alǵanda, túrli elderdegi jankúıerler taqtaıshaǵa Qazaqstandyq oryndaýshy Dımash Qudaıbergenniń esimin jazýdy usyndy.

Perseverance roveriniń Marstaǵy maqsaty – ejelgi ómirdiń belgilerin izdeý jáne planetanyń betin zertteý. Onyń mıssııasy shamamen eki jylǵa sozylady dep kútilýde.

Perseverance roveri Marsqa sátti qonǵany jáne ol jerden alǵashqy sýret alynǵany týraly buǵan deıin jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT