+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

Dımash Qudaıbergen Nıý-Iorkte tórt tilde án shyrqaıdy

2019 jylǵy 15 qazan 15:03
Bólisińiz:
Dımash Qudaıbergen Nıý-Iorkte tórt tilde án shyrqaıdy

ALMATY. QazAqparat - Qazaqstandyq ánshi Dımash Qudaıbergen 10 jeltoqsanda Nıý-Iorkte (AQSh) ótetin «Arnau tour ENVOY» jeke kontserti týraly aıtyp berdi, dep habarlaıdy QazAqparat tilshisi.

Uqsas jańalyqtar
Tokıodan sálem - Dımashty japon jankúıerleri Qazaqstannyń týyn ustap, qazaqsha án shyrqap kútip aldy Dımash Qudaıbergen Pragada jeke kontsertin ótkizedi Dımashtyń Nıý-Iorktegi kontsertine bıletter bir jarym aıda satylyp ketti

«Men álemge mádenıetimizdi «Arnau tour ENVOY» shoýy arqyly pash etetinime qýanyshtymyn. Nıý-Iorktegi kontserttiń kórermenderi zamanaýı naqyshtaǵy qazaqtyń saf ónerimen tanysa alady. Biz búkil komandamyzben osy baǵytta jumys istep jatyrmyz. Osy jobaǵa qatysy bar ár adam kásibı mamandar deı alamyn», - dedi óz áserimen bólisken Dımash.

«Arnau tour ENVOY» — álem nazaryn elimizge aýdaratyn úlken ımıdjdik joba. Kontsertke daıyndyq jumystarymen qazaqstandyq daryndy jastar aınalysyp jatyr. Shoý baǵdarlamaǵa qatysýshylardyń ortasha jasy – 25.

Shoý horeograftary Qýanysh Beken men Arsen Imenov. Ekeýi de óz isteriniń maıtalmandary. Qýanysh Beken ISDS boıynsha «The Best Choreographer 2018» baıqaýynyń jeńimpazy atanǵan. Sondaı-aq, ol kóptegen televızııalyq jobalarda, klıp jáne estrada juldyzdarynyń úlken kontsertinde qoıýshy horeograf bolǵan. Arsen Imenov Contemporary art baǵytynda jumys isteıdi. Túrli eýropalyq trýppalarda ózin synap kórgen. Jigitter Dımashtyń daýysy men mýzykalyq aspaptardyń únin dene qımyly arqyly úılestirýdiń túrli amalyn oılap tapty.

Kontserttegi barlyq horeografııalyq elementterdi 10 bıshiden turatyn qazaqstandyq top oryndaıdy. Olardyń qatarynda «Tantsy na TNT» shoýynyń fınalısi Aleksandr Lı de bar. Aleksandr «ARNAU» kontsertinde jeke kompozıtsııa usynǵan bolatyn, endi osynyń jetildirilgen túrin Nıý-Iork kórermenderi tamashalaı alady.

DQ_band - kontsertke qatysatyn mýzykanttar mýltı aspapshylar bolyp tabylady. Ujymnyń ár múshesi birneshe aspapta erkin oınaı alady.

Afıshalardaǵy Dımashtyń jarqyn beınesin qazaqstandyq fotograf Evgenııa Volkova túsirgen. Posterdi Contemporary art jáne New Media Art janrlarynyń ókili Rınat Abdrahmanov daıyndady. Rınat vızýaldy áser berý arqyly shoý ıdeıasyn grafıkalyq nusqada erekshe ázirlegen. «Arnau tour ENVOY» afıshasynyń dızaın avtory almatylyq jas dızaıner Anastasııa Shıpovalova.

Shoýdyń promo-rolıgin daryndy qoıýshy operator Azamat Dýlatov daıyndady. Azamattyń portfolıosynda qazaqstandyq jáne reseılik juldyzdardyń fılmderi men klıpteri bar. «Arnau tour ENVOY» úshin beıneler Sharyn shatqalynda túsirildi. Qosymsha túsirilimder keıbir horeografııalyq elementter bar pavılonda júrgizildi. Rolık negizi retinde qazaqtyń «Dúrdaraz» áni tańdaldy.

Dımash pen qoıylymnyń basqa da qatysýshylarynyń obrazyn otandyq stılıst Ánel Nurasheva oılap tapty. Ol ártis pen shoý tujyrymdamasyn túısine bildi jáne barlyq baǵdarlamany túgeldeı qabyldaýǵa múmkindik beretin durys obraz jasady. Bul jumysqa basqa da qazaqstandyq dızaınerler atsalysqan.

Dımashtyń komandasymen birge Nıý-Iorkke «Astana balet» teatrynyń ujymy da barady. Bul ujym músheleri 2013 jyldan bastap Qazaqstanda jáne odan tys jerlerde óner kórsetip, kórermenderdi tań qaldyrýda. Teatr repertýary – jarqyn jáne qaıtalanbas týyndylardan turady. Munda klassıkalyq jáne qazirgi zamanǵy stılder men ulttyq horeografııanyń sıntezin baıqaýǵa bolady.

Ǵaryshtyq shoýdy qurýǵa atsalysyp jatqan mamandardyń jan-jaqtylyǵy – Dımashty bar qyrynan kórsetetindeı. Shoýdyń uıymdastyrýshylary komandanyń kórermen tarapynan joǵary baǵa men qoshemetke ıe bolaryna senimdi.

«Arnau tour ENVOY» tujyrymdamasynda 2019 jyldyń jazynda Nur-Sultan qalasynda ótken «ARNAU» kontserttik baǵdarlamasynyń úzdik sátteri toptastyrylǵan. Bul kontsert ártistiń týǵan jerine degen yqylasyn kórsetse, jańa shoý Dımashty qazaq mádenıeti men álem mýzykasynyń elshisi retinde tanytady.

Jańa shoýdyń leıtmotıvi retinde ǵaryshtyq taqyryp – sheksiz keńistik tańdalǵan. Shoýda eski hıttermen qosa, osy shoý úshin arnaıy daıyndalǵan jańa shyǵarmalar usynylady. Dımash qazaq, aǵylshyn, orys jáne qytaı tilinde án salady.

Kontsertti QR Mádenıet jáne sport mınıstrligi AQSh-taǵy Qazaqstan Respýblıkasynyń mádenı kúnderi aıasynda uıymdastyrmaq. Dımash 19 myń kórermenge arnalǵan «Barclays Center» arenasynda óner kórsetedi. Kontsert bıletteri 13 qyrkúıekte satyla bastady.

Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT