+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Dımash Qudaıbergen: Kórermendi aldaýǵa nemese shpor paıdalanýǵa bolmaıdy

2020 jylǵy 18 aqpan 22:50
Bólisińiz:
Dımash Qudaıbergen: Kórermendi aldaýǵa nemese shpor paıdalanýǵa bolmaıdy

MÁSKEÝ. QazAqparat – Qazaqstandyq ánshi Dımash Qudaıbergen Máskeýde baspasóz máslıhatyn ótkizdi, dep habarlaıdy QazAqparat dimashnews.com saıtyna silteme jasap.

Uqsas jańalyqtar
QR AShM Reseıden ákelingen 19 tonna banandy el aýmaǵyna kirgizbedi Reseıde koronavırýs juqtyrǵandar sany 253 adamǵa jetti Omby áýejaıynda qalyp qoıǵan qazaqstandyqtar elge oralady

«Men ár kontsertimde kórermen aldynda emtıhan tapsyrǵandaı bolamyn. Onda kórermendi aldaýǵa nemese shpor paıdalanýǵa bolmaıdy» dep ázildedi Dımash Qudaıbergen Máskeý qalasynda ótken baspasóz máslıhatynda. Oǵan ánshiniń ákesi Qanat Aıtbaev pen reseılik tanymal kompozıtor Igor Krýtoı qatysty.

9 naýryz kúni Reseı astanasynda ótetin Dımashtyń kontsertine arnalǵan jýrnalıstermen beıresmı basqosýdy Igor Krýtoı ashty. Ol qazaqstandyq ánshiniń keshi sátti uıymdastyrylatynyna kúmán keltirmeıtinin aıtyp, budan burynǵy kontsertterdi eske túsirdi.

Máskeýde ótetin kontserttiń mán-jaıy týraly Dımashtyń ózi aıtyp berdi.

«Baǵdarlamany «Arnaý» dep atadyq. Biz basqa elderde, sonyń ishinde AQSh-ta birneshe kontsert qoıdyq, qazir Máskeýde áserli kesh ótkizýge daıyndyq ústindemiz», - dedi ol.

Qazaqstandyq ánshi óz kontsertteriniń árqaısysy bir «emtıhan» ekenin aıtyp ázildedi. Onda kórermendi aldaýǵa nemese shpor paıdalanýǵa bolmaıdy.

Dımash Igor Krýtoıǵa rızashylyǵyn da jetkizip, bala kezinen bastap reseılik kompozıtormen jumys isteýdi armandaǵanyn áńgimeledi.

Reseılik kompozıtor «Dımash qubylysy» degen uǵymnyń mán-mańyzyna toqtaldy. «Dımashtyń erekshe daýysy, qaıtalanbas yrǵaǵy bar. Onyń mýzykany ózi arqyly ótkizýi óte mańyzdy. Óıtkeni, ol keremet darynǵa ıe.

Al men onyń saýatty jankúıerimin! Sebebi, qansha tyryssam da, oǵan uqsaı almaıtynyma anyq kózim jetedi. Onyń talanty bıik», - dedi I.Krýtoı.

Dımashtyń ákesi Qanat Aıtbaev alda ótetin Dımashtyń kontsertinde kórermen kóptegen jańalyqtar men ózgeristerge kýá bolatynyna ýáde berdi.

Baspasóz konferentsııasynda Dımash óziniń «Evrovıdenıe» baıqaýyna Reseı Federatsııasynyń atynan qatysatyny týraly qaýesetti joqqa shyǵardy: «Men bul jarysty joǵary dárejeli dep sanaımyn, qurmetteımin. Biraq men oǵan qatysýymnyń qajeti joq dep oıladym. Eger osy elde týǵan bolsam, Reseıdiń atynan shyǵar edim. Men – Qazaqstannyń azamatymyn jáne óz Otanymnyń patrıotymyn, sondyqtan bul týraly áńgimeniń múlde negizi joq», – degen Dımash bolashaqtaǵy josparlarymen de bólisti.

«Dál qazirgi tańda kontsert qoıyp, beınetaspalar túsirýdi qolǵa alyp júrmin. Barlyq týrlardan keıin, árıne, dostarymmen demalǵym keledi (kúledi). Jumys kestesi men kontsertter ázirge bosańsýdy qajet etpeıdi. Alaıda, men buǵan qınalmaımyn, óıtkeni mýzykasyz, shyǵarmashylyqsyz, qaýyrt jumyssyz uzaq ómir súre almaıtynymdy túsinemin», - dedi ánshi.

Dımash kishkentaı armany týraly – qazaq tilinde jahandyq hıt shyǵarý jaıynda tilge tıek etti. Máselen, K-pop mýzykasy arqyly búkil álem koreı tilinde án shyrqady. Qazaqstandyq ánshi de jańa ánderiniń biri dál osyndaı nátıje kórsetedi degen úmitte. Sebebi, «mýzykada shekara men ult joq».

Dımashtyń bul baǵyttaǵy oıyn ákesi jalǵastyrdy. «Hıt týyndy til tańdamaıdy. Onyń ánderin qazaq tilinde ártúrli elderdiń turǵyndary qalaı shyrqaıtyny meni shynymen tańǵaldyrǵan bolatyn. Mysaly, Amerıkada ótken kontsertte 54 memleketten kelgen jankúıerler boldy, 44 shtattan kelgen kópshilik stadıonda Dımashpen birge án shyrqady. Orys, qazaq jáne basqa tilderde. Bul óte kúshti! Kórermen óz ánshisiniń shyǵarmalaryn jaqsy kóretin bolsa, oǵan til de, ult ta kedergi bola almaıdy», - dedi Qanat Aıtbaev.

Dımash Qytaıdaǵy jankúıerleriniń jaǵdaıyna da erekshe nazar aýdardy, dárigerler ólimge ákeletin koronavırýsty emdeýdiń jolyn tezirek tabady degen senimin bildirdi.

Basqosý sońynda Dımash eksklıýzıvti josparlarymen bólisti. Máselen, ol óziniń (aty-jónin aıtpady) reper dosymen jańa án daıyndaýda. Sondaı-aq, qazaqstandyq talant taǵy bir jańa kompozıtsııany Máskeýdegi kontsertte kópshilik nazaryna usynbaq. Alaıda, bul týraly da tolyǵyraq toqtalǵan joq.

Eske salsaq, buǵan deıin Dımashtyń Eýropa qalalaryndaǵy kontserti bastalǵany týraly habarlaǵan bolatynbyz.



Bizdiń kanalymyzǵa jazylyńyz:

Basty sózder: Mádenıet, Dımash Qudaıbergen,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT