+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Dımash Qudaıbergen 10 myń dollar syılaıdy: áleýmettik jelide jalǵan paraqsha ashyldy

2021 jylǵy 12 aqpan 11:20
Bólisińiz:
Dımash Qudaıbergen 10 myń dollar syılaıdy: áleýmettik jelide jalǵan paraqsha ashyldy

NUR-SULTAN. QazAqparat – Facebook áleýmettik jelisinde Dımash Qudaıbergenniń 10 myń dollar syılyq beretini týraly aqparaty bar jalǵan paraqsha ashyldy, dep habarlaıdy QazAqparat tilshisi.

2021 jyldyń basynda osy jelide «Tımatıden saýalnama» atty jarnama jıi shyqqan bolatyn. Aqparat senimdi bolyp kórinýi úshin ártis pen prodıýserdiń atynan vıdeoúndeý jarııalanǵan. Vıdeoda olar saýalnamaǵa jaýap bergenderge mıllıon teńge beretinin aıtqan. Saýalnamaǵa jaýap bergenderdi arnaıy saıtqa baǵyttaǵan, ol saıtta aqsha utyp alǵany úshin qomaqty komıssııa tóleýi kerektigi týraly aıtylǵan.

Alaıaqtar Dımash Qudaıbergendi de aınalyp ótpedi. Facebook jelisinde Diimaash degen paraqsha paıda boldy. Atalǵan paraqshada Dımashtyń sýreti men ony tikeleı efırinen úzindi jarııalanǵan.

«Men búgin barshańyzǵa bata beremin. Bul kommentarıı jazǵan alǵashqy 1000 adamǵa (NAQShA) $ 10,000 alady. Munyń shyn ekenine senińiz. Bul syılyq bizdiń syılyqty buryn-sońdy jeńip almaǵan adamdarǵa arnalǵan», - dep jazylǵan vıdeo sıpattamasynda.

Bul jalǵan paraqsha ekeniniń taǵy bir dáleli – pikirler arasyna paraqsha avtorlarynyń habarlama qaldyrýy boldy.

«Sálem barlyq jankúıerler ... bizdiń komandadan platformaǵa senim bildirgenińiz úshin raqmet. Inestatsııany bastaý úshin siz ózińizdiń atyńyzdy tirkeýińiz kerek. Munda basyńyz => https://bit.ly/3tK4mOK , sodan keıin nusqaýlardy oryndańyz jáne sizdiń aty-jónińiz avtomatty túrde siz tabysqa jetkennen keıin tirkeledi, bizdiń komanda sizdiń jeńimpaz ekenińizge 100% kóz jetkizedi», - dep jazylǵan habarlamada.

Shyn máninde osy siltemege ótken adamnyń jeke málimetteri alaıaqtardyń qolyna túsedi. Osylaısha bank qosymshalary men parolderi alaıaqtar úshin qoljetimdi bolyp, olar ony óz maqsattaryna qoldanatyn bolady.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT