«Dıkıı» Armandy qamaý merzimi taǵy 2 aıǵa uzartyldy
2022 jylǵy 5 sáýir 15:26

«Dıkıı» Armandy qamaý merzimi taǵy 2 aıǵa uzartyldy

ALMATY. QazAqparat- «Dıkıı Arman» laqap atymen tanymal qylmys áleminiń serkesi Arman Jumageldıevti qamaýǵa alý merzimi taǵy eki aıǵa uzartyldy, dep habarlaıdy QazAqparat tilshisi.

«4 sáýirde Almatynyń mamandandyrylǵan aýdanaralyq tergeý soty Arman Jumageldıevtiń qamaýǵa alý túrindegi bultartpaý sharasyn 2022 jyldyń 7 maýsymyna deıin uzartty», - dep habarlady qalalyq sottyń baspasóz qyzmeti.

Esterińizge sala keteıik, 7 qańtarda Almatyda polıtseıler «Dıkıı Arman» laqap atymen tanymal qylmys áleminiń serkesi Arman Jumageldıevti ustady.

Keıin QR Bas prokýratýrasy arnaıy prokýrorlar qyzmetiniń bastyǵy Rızabek Ojarov «Dıkıı Arman» toby 24 beıbit turǵyndy urlap, kúshtep ustaǵanyn aıtty.


Seriktester jańalyqtary

Jańalyqtar

Úrdis

MURAǴAT