«Dıkıı Arman» toby 24 beıbit turǵyndy urlap, kúshtep ustaǵan - prokýratýra
2022 jylǵy 7 aqpan 19:10

«Dıkıı Arman» toby 24 beıbit turǵyndy urlap, kúshtep ustaǵan - prokýratýra

NUR-SULTAN. QazAqparat –«Dıkıı Arman» toby 24 beıbit turǵyndy urlap, kúshtep ustaǵan. Bul týraly QR Bas prokýratýrasy Arnaıy prokýrorlar qyzmetiniń bastyǵy Rızabek Ojarov aıtty, dep habarlaıdy QazAqparat tilshisi.

«Qazirgi tańda uıymdasqan qylmystyq toptyń 18 múshesi, adam óltirý, urlyq, tonaý jáne qaraqshylyq jasaǵany úshin buryn sotty bolǵan 21 tulǵa ustaldy. Olardyń qatarynda «Dıkıı Arman» laqap atymen tanymal - Jumageldıev jáne onyń top músheleri de bar.

Bul tulǵa týraly jeke toqtalyp óteıin. Onyń qarýlanǵan adamdary kezdeısoq ótip bara jatqan 24 beıbit turǵyndy urlap, kúshtep ustaǵan. Olardy bir jerden ekinshi jerge aparyp, uryp-soqqan, saldarynan bir adam qaza boldy. Budan basqa, qaraqshylar 12-shi qalalyq aýrýhanada polıtsııa qyzmetkerin qatty soqqyǵa jyǵyp, qyzmettik qarýyn tartyp alǵan», - dedi Rızabek Ojarov.


Uqsas jańalyqtar

Jańalyqtar

Úrdis

MURAǴAT