+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Dıqandarǵa jeńildikpen qansha dızel beriledi

2019 jylǵy 17 qyrkúıek 20:42
Bólisińiz:
Dıqandarǵa jeńildikpen qansha dızel beriledi

NUR-SULTAN. QazAqparat – QR Energetıka vıtse-mınıstri Áset Maǵaýov kúzgi astyq jınaý jumystary úshin sharýalarǵa jeńildikpen dızel berý jumystary jóninde baıandady, dep habarlaıdy QazAqparat tilshisi.

Uqsas jańalyqtar
Benzın baǵasynyń kóterilýine negiz joq – Energetıka mınıstri Qazaqstanda benzın baǵasy ósýi múmkin be Qazaqstan bıyl 180 myń tonna benzol men paraksılol eksporttaıdy

QR Aýyl sharýashylyǵy mınıstrligi jyl saıyn oblys ákimdikterimen birlesip, dıqandarǵa qajetti munaı ónimderiniń kólemin anyqtap, QR Energetıka mınıstrligine kóktemgi jáne kúzgi egin jumystaryna dızeldik otyn jetkizý kólemi týraly usynys engizedi.

«Kúzgi egistik jumystaryna aýyl sharýashylyǵy taýarlaryn óndirýshilerge jeńildikpen satylatyn 395 myń tonna dızel bólindi. 2019 jyldyń 16 qyrkúıegindegi jaǵdaı boıynsha, josparlanǵan dızeldiń 65,4% nemese 258,3 myń tonnasy taratyldy. 2019 jylǵy kóktemgi egis jumystarynda dızel otynynyń bir tonnasyn 193 myń teńgege berý usynyldy, kúzgi egin jınaý jumystarynda dıqandar úshin dızel baǵasy – 198 myń teńge/tonnany qurady. QR Energetıka mınıstrliginde aýylsharýashylyǵy taýaryn óndirýshi úshin dızel otynynyń arzandatylǵan baǵasyn zańnamalyq bekitý quzyreti joq», - dedi.

Bıylǵy 11 qyrkúıektegi jaǵdaıǵa sáıkes Atyraý munaı óńdeý zaýytyndaǵy bir tonna otynnyń kóterme baǵasy –213 096 teńge, Shymkent zaýytynda – 212 127 teńge jáne Pavlodar munaı óńdeý zaýytynda – 216 005 teńge. Importqa taýar shyǵarylmaıdy.

«Munaı óńdeý zaýyttaryndaǵy dızeldi otyn aýyl sharýashylyǵy taýarlaryn óndirýshilerge basymdyq negizinde taratylady. Táýlik saıyn otyn tıeý jumystary qadaǵalanady», - dedi vıtse-mınıstr.

Aqpan aıynda QR Energetıka mınıstri Qanat Bozymbaev ishki naryqtyń 100% otandyq munaı ónimderimen qamtylatynyn aıtqan edi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT